Zuu ka ding ti lai lo tiah Kawlram minta Lin Let Hein nih a ti

Lin Let Hein

Kawlram minta Lin Let Hein cu a luancia thla ahkhan zuu a ri i pawngkam ah a buai cun sang upa le palek zong fahnak a pek hna ruangah Sualnak Upadi Dal 307 in tazacuai a tong.

“Zuu ka rit ruangah thil tthalo ka tuah sual. Nan dihlak ka ngaithiam hram uh. Mi zapi thinphang lak in thil tthalo ka tuah sual. Tu hnu cu, zuu ka ding ti lai lo” tiah Kawlram minta Lin Let Hein nih a chim.

Thingangyun peng biaceih zung nih Lin Let Hein cu October 18 ahkhan amahkhan Kyats ting 50 in a thlah nain atu hi biaceih zungah a kong an ceih cuahmah lio a si.

Lin Let Hein

“Ka ngan cu dam ko. November 14 khi biaceih zung ah ka kal tthan te lai. Ka case hi ni 180 chungah ceih dih ding a si,” tiah a chim fawn.

Lin Let Hein cu tuni October 29 ah biaceih zung nih a auh ko nain zeihmanh biahalnak an tuah lo i November 14 tu ah ra tthan dingin nawl an pek.

Lin Let Hein cu September 19, 2019 zinglei sml 5 hrawng ah Thingangyun peng, Sethein sang ah nam i put i a buai i mipi nih palek sinah thawng an thanh. Palek nih tlaih an timh nain Lin Let Hein nih nih nam aa putmi cu a chia duh lo i sang bawi pa a velh. Cun, palek pakhat cerep in a sawh.

Cu ruangah, palek nih Lin Let Hein cu a taitang (ke silole phai) ah meithal in voikhat an kah

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.