Zute Tuanbia

Zute pakhat cu facangin a khatmi hrai pakhat chungah ruah lo piin a rak tla. A tlak le cangkaain aa lawm tuk.

Facang cu mu khat hnu mu khatin a ei thluahmah i aa lunghmuih kho tuk. Vawleicung ahhin amah bantuk mi vantha hi an um ti lai lo tiin zute nihcun aa ruat i ei le ih in cun a caan a rak liam.

Cuticun facang mu tete cu a ei deuhdeuh a ei deuhdeuh i hrai i a tawphah a phanh tikah cun lau hram aa thok cang.

Zeitindah hi hrai chung hin ka chuah khawh ti lai ti ruatin aa ngaihchih len zongah san a tlai ti lo.

Cawn Dingmi:

Nunnak ahhin rap pakhat a um. Cucu hnangam tuknak hi a si.

I zuam cuahmah lio le harnak ton cuahmah lio i hnangam tukin umnak hi i thim sual lo ding.

Harnak in pah lo hi a poi tukmi thil tonnak si.

I zuam (teimak) huam lo ahcun kan i tinhmi le kan chunmang vialte pawkpawlawng can ding hi a fawi tuk ti philh lo ding.

Nunnak ahhin a fawimi lam tete thimawk tampi um nain teinak lam cu a har hrimhrim ti philh lo ding.

Lwin Pyin