Za Uk Lian nih mi thahnak ah a hmanmi meithal kong thawngfiang

- Advertisement -

US um Chin pa Za Uk Lian, kum 45 nih mi thahnak ah a hmanmi meithal kong cu palek nih an hlat i thawng fiang an thanh cang.

US ram, Pennsylvania state um Za Uk Lian nih meithal in minung 3 a kah hna. 1 a thi, 1 sizung phan, 1 hliam tong lo. Mah hnu ah amah tein aa kap that. Mah hi hmet law tling tein rel khawh asi.

Hmasa ahcun ‘minung 2 a kah hna’ tiah nawlngeitu nih an chim nain, hnu ah midang 1 an hngalh chap.

“A hmanmi meithal kha upadi ning tein aa cawkmi si,” tiah Lehigh County nawlngeitu nih an chim.

Mah pa Za Uk Lian ruang ahhin US nufa 3 nuhmei le ngakṭah ah an cang

“Za Uk Lian, kum 45 nih minung thahnak ah a hmanmi meithal kha January 30 ah Lehigh County um meithal dawr ah upadi ning tein aa cawkmi si,” tiah Lehigh County Cozah Sihni Jim Martin nih a chim.

“A meithal cu semi-automatic pistol asi. Smith & Wesson meithal company nih a sermi M&P Shield pistol asi.

“Za Uk Lian nih a meithal (pistol) cu February 5 ahkhan ‘zapi lakah thuh buin i kennak nawl’ a sok i cozah nih March 21 ah nawl a pek,” tiah a chimchap.

US ram ahcun thong a tla bal lomi paoh nih meithal i cawk khawh cio asi. Kawlram eidin dawr bantukin khua chung ah meithal dawr tampi a um. Nain, zapi lakah i ken na duh ahcun cozah sinah ‘thuh buin (lang loin) i kennak nawl’ sok a hau.

Wawa datsi dawr (gas station) in meng 4 hrawng a hlatnak hmun ah mawtaw aa monghmi nu nih “bang tiah thawng thangpi ka theih nain aa ka kahmi ka hngal lo. Wawa gas station ah ka dirter hnu lawngah ka mawtaw meithal kuan nih a khenmi cu ka hmuh,” tiah a chim. Amah cu hliam tong lo.

Wawa datsi dawr (gas station)

Mah hnu ah, Za Uk Lian cu Wawa gas station ah a va kal ve i mipa pakhat a kah. Mipa cu sizung ah an kuat, an hlai i kuan an chuahpiak. A dam ko lai tiah sibawi nih an chim.

Mah hnu ah, mawtaw datsi a rawng liomi thil phor mawtaw (truck) mongtu pa zong a kah. Mipa cu sizung ah an kuat nain chanh khawh loin a nunnak liam. Ramon Ramirez, kum 31 asi. Nupi le fa 3 ngeimi asi. A nupi le fale 3 a liamtak hna, tiah nawlngeitu nih an chim.

“Za Uk Lian nih a thahmi Ramirez hi miṭha le chungkhar a daw tukmi si. A liamtakmi a chungkhar ka zoh hna ah ka lungfak tuk hringhran, a fale hrim ka zaang an fak tuk,” tiah a fale hawi pakhat nih a chim.

Mah hnu ah, Za Uk Lian cu a ke in falawng (furlong) 2 hrawng a zaam hnu ah amah tein aa kap that.

“Zei ruang dah hitin mi a kah thah hna ti cu atutiang kan hngal kho rih lo. Minung 3 a kahmi hna hi aa thei balmi an si lo, a hmuhmi paoh a kahmi hna alo,” tiah Jim Martin nih a chim.

Wawa gas station ah a kah hna lio ahcun, Wawa gas station um eidin dawr hngak pakhat nih thil caw pawl a thuh hna.

Jim Martin nih, “Wawa dawr rianṭuan pakhat nih lengah hnawm a hlonh lio ah meithal puah thawng cu a theih. Mawtaw chiahnak (parking) ah ummi thil caw 2 cu a rannak in Wawa dawr chungah a luhpi hna i a thuh hna. Wawa rianṭuan pawl zong khaan 1 ah a thuh hna i tawh a hrenh i 911 a chawnh. Ka thangṭhat tuk hringhran,” tiah Wawa rianṭuan cungah lunglawmhnak bia a chim.

Wawa company nih, “Wawa ahcun, kan rianṭuan le kan mileng pawl himnak hi biapi bikah kan chiahmi asi. Kan rianṭuan pakhat nih khulrang tein a ṭuanhawi le mileng a venmi hna cu kan i lawm tuk hringhran. Thil sining a hlat tu Khua palek le nawlngeitu cung zongah kan i lawm,” tiah cathanh a chuah.

Lian
Lianhttps://www.thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih.Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...