Ralkap nih an tlaihmi media MRTV le ralkap ta cia simi MWD channel 2 cu YouTube nih March 4 nih a hlonh piak hna.

Hi channel 2 cu ralkap nih nawl ngeihnak an lak hnu in an thawngpang thanhnak ah biapibik in an hmanmi a si.

Nifatin thawngpang telhin an cawlcanghnak kong cu vawlei pumpi zoh kho dingin thawngpang an thlah tawnnak account an si.

March 2 tiang ahcun MRTV le MWD channel cu YouTube ah an um rih ko nain March 4 ahcun an um ti lo.

Cun, Facebook zong nih MWD, MRTV le ralkap thawngthanhnak page pawl cu ralkap nih uknak a lak hnu in a hlonh piak hna.

“Buainak chuahter dingin forhfial timi Facebook zulhphung an buar ruangah an page kan thah piak hna,” tiah Facebook lei in ttuanvo ngeitu Rafael Frankel nih a chim.