Myanmar Idol ah hlasak a rak i zuam bal vemi Ye Naung le Poe Mi nih Myanmar Idol season 4 winner caah Kyats ting 10 an i lawng.
“Poe Mi nih tu kum Myanmar Idol cu nu nih ngah seh ti a duh. Kei cu pa nih a ngah lai ka ti. Pa nih a ngah cun Poe Mi nih ting 10 a ka pek lai. Nu nih a ngah ahcun keimah nih ting 10 ka pek lai.
Atu lio aa zuammi lakah keimah cu nih ka uarmi hi 3 hrawng an si. Nain, atu ka uarmi pawl an min chim cu a ttha lo. Ulenau bantuk kan si hna i thleidan in thapek zong cu a ttha lo.
Ka nungaknu he zong kan i lawng ve. An nih cu Aye Mya Phyu nih a ngah lai a ti. A sungmi nih Bangkok ah vahpi dingin kan i lawng” tiah Ye Naung nih a chim.
Myanmar Idol season 4 ah minung 8 an tang i an dihlak i an thiam dih hna. Tuzaan ah Top 8 Result Show an tuah lai.
