Myanmar Idol Season 4 Top 10 thimmi lakah aa tel vemi Chin awṭha Yaw Kee cu zahan zaan zuamnak ah ṭha taktak le diriam taktak in a sak khawh ko nain tuzaan cu minung 2 bak a tla ding an si caah a thinphang tuk.
Ahlei in, kan hnu zarh ah vote tlawmbik 3 (bottom 3) ṭhutden ah an ṭhutter ve caah a thinphan khunnak asi ṭheo lai.
Yaw Kee nih, “tuni cu vote an rel lai i a tlawmbik ngahtu 2 cu zuamnak tlak thai ni asi cang,” tiah a thinphannak kong a ṭial.
“Nan dihlak in nan ka dawt i tha nan ka pek bantukin in vote zong nan ka pek rih ko lai tiah ruahchannak ka ngei.
“A caan um rih ko. Tu zaanlei 6pm ah vote pek an phih lai. Nan dihlak kan dawt tuk ve hna. Dawtu fans pawl nan thazaang in hmainor ka duh rih ko ee,” tiah vote pek sawmnak a ṭial.
Yaw Kee hi midang cio bang, Myanmar Idol ah hlasak i zuam dingin a rian tiang aa phuakmi asi. Atu ah a tlak colh cun a paam ngai.
Yaw Kee a uartu paoh nih vote pek daithlang hin hlah uh. Tuni 6pm hlan cu vote pek khawh asi rih ko fawh.
