Yangon Hledan ah sandahpiahmi mipi cu tu zingka 9am hrawngah palek nih meithal in an kah hna i minung 1 a nunnak liam, a tlawmbik minung 5 kuan hma an tuar.
Meithal kah a tongmi mipi cu an thi tamtuk a chuak i meithal kuan taktak in a kah hna tiah kan zumh, tiin mithmutu nih an zumh.
“Keimah nih minung 2 ka hmuh hna. A hung tlimi pawl nih cun ‘minung 5’ an ti. Meithal kuan taktak in an kah hna tiah an chim cio ko. An thi tamtuk chuak,” tiah a hmutu pakhat nih a chim.
Uknak firtu ralkap bawizik Min Aung Hlaing chaktlaihmi palek nih sandahpiahtu mipi cu meithal in an kah ko hna nain tuni zong hmun kip in mipi an chuak i sandah an piah peng rih ko.
Ref: RFA, 7Day News Journal
Atu bantukin mipi an tuarmi hmuh deuh ahcun ralkap lei ah a ṭangmi Dr. Ngun Cung Lian le Pu Ngun San Aung cungah lung a fak chin lengmang.
Ralkap tapeh Pu Ngun San Aung ukmi Hakha zongah nizaan ah minung 2 an tlaih hna.
