Yangon ah ralkap nih an kahmi Chin tlangval a nunnak liam

- Advertisement -

March 3 sandahpiah lio ah ralkap nih meithal in an kahmi Chin tlangval Mang Suan Khai @ဝေယံမောင်မောင်, kum 27 cu zahan zaan ah a thi, tiah chungkhar nih thawngpang an theih.

March 3 ahkhan Yangon, North Okkalapa ah ralkap duhlonak an langhter lio ah ralkap nih meithal in an kah hna caah Mang Suan Khai cu a phei ah an khen i mi tlaihnak mawṭaw cung an khin lio ah a upa phone a chawnh ta.

“Ka phei ah an ka kah. An ka tlaih i mawṭaw cung an ka khin” ati i phone a thah colh.

Mah ni thok cun a chungkhar nih sizung le thonginn kip ah an kawl nain a thawngpang an thei kho ti lo.

Zahan March 6 zaan 9pm hrawngah “North Okkalapa Sizung miruak checknak ah Maung Way Yan Maung Maung timi ruak a um. Alu zongah meithal kahnak um” tiin an sangmi pakhat nih a nulepa a chimh hna.

Atutiang Mang Suan Khai ruak cu a nulepa nih an hmu kho rih lo. Sizung an va hal nain “a um ti lo” tiin an khirh hna.

A chungkhar bawmh nan duh hna ahcun;

No. 1169, Bo Pyo (1) Street, 4th Ward East Dagon

09756107110, 09763825760။

Pa – U Maung Maung 

Nu – Nel Khan Cing 

Ref: Chin World

Lian
Lianhttps://www.thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih.Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...