15.6 C
Hakha
Sunday, June 20, 2021
- Advertisement -

Ṭial Tharmi

Yangon ah Mask Hruk Loin Lengchuakmi Thla 6 Thongthlak nan Si Lai

COVID-19 zawtnak a karhnak hnga lo inn leng nan chuah tikah hmaihmuh/mask nan i hruk dih lai. Aa hruk lomi cu tangka dantat lole thla 6 thongthlak nan si lai, tiah Yangon cozah nih nawl a chuah.

Myanmar ram ah Covid-19 zawtnak ngei 180 an um cang. Mah chungah 76 an dam i 6 an thi cang. Yangon region ah mizaw an tambik, 145 an si.

Tuni, May 13 thokin Yangon region pengg 44 dihlak ah mask hruk loin lengchuah a ngah ti lo.

Mask hruk loin leng a chuakmi paoh cu Chawnh Khawhmi Zawtnak Khamnak le I Vennak Upadi in tlaih le tazacuai nan si lai. Yangon Region Cozah nih tu hnu thawngthanhnak a tuah ṭhan hlan tiang mah upadi hi a nung lai.

Upadi ningah, Ngandamnak le Region Cozah Nawl Chuahmi a buartu cu tangka 5,000 in 50,000 kar dantat lole thla 6 thongthlak an si lai, ti asi.

Mask hruk pinah, ruak hummi le sizung ah mizaw a piahmi ti dah lo cu ahohmanh minung 4 cung nan i bu lai lo, ti zong nawl chuahmi chungah aa tel.

Yangon region Zatlang Vuanci U Naing Ngan Lin nih, “company le dawr pawl rianṭuan an thok ṭhan cang hna caah Covid-19 zawtnak a karh sual lai tiin zulhphung thar nawl kan chuahnak asi,” tiah a chim.

April thla dongh lai hrawngin Covid-19 mizaw an zor ngai caah company tampi nih rianṭuan an thok ṭhan. Minung tampi mask an i hruk ti lo. Mi he zong hlat piin an ṭhudir ti lo, minung 5 leng zong an i bu.

Nain, liamcia Nilini ah mizaw thar 14 bak an hmuh ṭhan hna.

Mandalay le Ayeyarwady region cozah zong nih mask hruk loin lengchuakmi cu tangka dantat dingin nawl an chuah ve.

Hmasa zongah Yangon Region Cozah nih;

  • Nan inn ah mi nan i lenter hna lai lo
  • Ramdang in a tlungmi nan hngalh hna cun cozah sinah thawngthanh uh
  • Nan pawngkam ah lunghrinhmi Covid-19 zawtnak ngei an um lole keimah ka ngei rua tiin na ruah ahcun cozah sinah thawngthanh, tiah nawl a rak chuah cang.

Thingyan puai lio (April 10 in 19 tiang) zongah Yangon Region Cozah nih ni 10 chung bak “inn ah um uh” tiin nawl a rak chuah.

Ngandamnak le Zaanglek Vuanci Zung zong nih mizaw an tamnak Yangon region peng 7;

  1. Insein,
  2. Shwephyithar,
  3. Mayangone,
  4. Bahan,
  5. Pabedan,
  6. South Okkalapa le
  7. Hlaing Tharyar ummi paoh “inn ah um uh (leng chuak hlah uh)” tiin nawl a chuah chap.

Charhchan: The Irrawaddy

- Advertisement -

Ṭial Tharmi

World Cup luhnak puai Myanmar goal bawhtu Pyae Lyan Aung cu Japan ah refugee a sok

Kum 2022 ah Qatar ram ah tuah ding FIFA World Cup ah i tel khawhnak puai round 2nk cu Japan ram ah an tuah....

Rev Dr Dennis Shu Maung: Ramthumnak phan Chinmi nih Kawlram um Chinmi chanh hna usih

Australia Chin khrihfabu funtomnak bu Chin Christian Council in Australia (CCCA) hruaitu Rev Dr Dennis Shu Maung nih, "Ramthumnak phan Chinmi hna hi atu...

Myanmar ralkap nih ‘innpa ram pawl nih kan cohlang hna seh’ tiin kan ram chuak a zuarh hna

February 1 ah Myanmar ralkap nih mipi thimmi cozah uknak a chuh thokin rampumpi ah mipi nih duhlonak an langhter i cozah rianṭuan pawl...
- Advertisement -

Malaysia PM: Ni fatin mizaw 4,000 tang an si tikah lockdown kan dorh lai

Ni fatin COVID-19 mizaw 4,000 tang an si tikah full lockdown kan dorh lai, tiah Malaysia ram hruaitu Rampumpi Vuancichoh Pu Muhyiddin Yassin (hmanthlak)...

Nupi 39 ngeimi Pu Ziona a nunnak liam

Nupi 39 le fa le tufa 127 a ngeimi Pu Ziona Chana, kum 76 cu Mizoram ah a nunnak liam, tiah Mizoram cozah nih...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -