15.9 C
Hakha
Thursday, September 23, 2021
- Advertisement -

Ṭial Tharmi

Yale University a Kaimi David Stanley cu “Rual-U Person of The Year” an Pek

Vawleicung university ṭha minthang bik a si vemi Yale University a kai liomi David Stanley, kum 19 cu Rual-U phu nih “2020 Rual-U Person of The Year” pek dingin an thim.

David Stanley cu Thantlang peng Farrawn khuami Pu Than Tling le Falam peng Lunghawh khuami Pi Lal Zui Lian hna i an fale 2 lakah upa deuh asi. A hniang nu cu Esther Van Ro Sung, high school a kai lio si.

US ram, Louisiana state, Lafayette khua ah an chungkhar in an um nain David Stanley cu Connecticut state, New Haven khua um Yale University ah a kai lio si. Kum 1nak a dihka te si.

Yale University kai kho dingin a fimthiamnak le aa zuamnak nih a tlinh caah full scholarship an pekmi si.

Fimcawnnak lei ah hlawhtlinnak nganpi a hmuh caah Chin mino vialte nih zohchun awktlak asi tiin Rual-U phu nih “2020 Rual-U Person of The Year” pek dingin an thim hi si.

$1,000 le trophy an pek lai.

Film le Media lei cawn hi a duhpah nain kum 1nk ahcun zei major dah ka cawn thai lai timi biakhiahnak a tuah rih lo, tiah kan theih.

Kan miphun caah santlai taktak ding le bochan dingmi ah Pathian nih thlua kan chuahpiak peng ko seh tiah lawmhpinak he …

Ref: The Chin Voice

- Advertisement -

- Advertisement -

Rel Bikmi

Subscribe to The Chin Express Youtube

The Chin Express nih interview kan tuahmi hna le video thar kan tarmi pawl zoh lengmang na duh ahcun kan Youtube channel ah Subscribe tuah ve.

- Advertisement -