Wutt Hmone Shwe Yi cu Thantlang khua a phan cang

Wutt Hmone Shwe Yi cu Thantlang khua a phan cang

Myanmar actress Wutt Hmone Shwe Yi cu ‘Minmei cung pangpar’ timi movie thlak ruah ah nizaan ahkhan Chin state, Thantlang khua a phan cang. Hmanthlak dawhdawh zong a huntar hna.

Nizaan kha a chuahni a si. Falam khua ah zaan khat a riah hnu ah video thlak ruah ah Thanthlang khua a phan. Thantlang khua a phaknak kong cu Facebook ah Live a thlah.

‘Minmei cung pangpar’ tawlreltu le lemcang cheukhat cu July 25, 2019 in khan Thantlang khua an phan cang. Atu ahcun an dihlak in Chin state an phan dih cang hna.

Korea actor Ryu Sang Wook le second director Min Thant Mg Mg cu August 7 in khan Kalay, Tedim, Rih le Thantlang khua hna video thlak an thok cang.

“Chin state ka rat cu ka baa tuk. Video chungah Chin nute in lem ka cang” tiah Wutt Hmone Shwe Yi nih Live a thlah pah ah a chim.

Myanmar Idol hlasak zuamnak ah caantlai a ttuan tawnmi Kyaw Htet Aung zong Chin pa Salai Thang in lem a cang.

‘Minmei cung pangpar’ movie cu Korea le Myanmar ram 2 hawikawmhnak caah thlakmi a si.