World Bank Nih $480 Million Rohingya Ralzaam A Bawmh Hna Lai

rohingya ralzaam

WASHINGTON (Reuters) – Bangladesh ram ah a ummi Rohingya ralzaam pawl ngandamnak, fim cawnnak, dinti le zatlang zohkhenhnak caah US dollar 480 million cu Bangladesh cozah sinah ka pek lai, tiah World Bank nih thawng a thanh.

Myanmar ram, Rakhine state ah a ummi Rohingya pawl cu Myanmar Ralkap nih an tlaihhrem hna, an thah hna, an inn an khanghpiak hna caah i minung 700,000 leng Bangladesh ramah an zaam.

Bangladesh ram ah a zaam Rohingya pawl cu Cox’s Bazar pengah buk an i sak i cutin ralzaam buk ah harsa ngai le thurhnawm ngai in an um hna.

Rakhine state in Bangladesh lei ah an zaam lio
Rakhine state in Bangladesh lei ah an zaam lio

“Rohingya pawl tuarnak ruah tikah kan ngaihchia tuk, cucaah anmah lungtho tein Myanmar ramah an kir hlan paoh bawmh hna dingin timhcia kan si,” tiah World Bank President Jim Yong Kim nih a chim.

“Bangladesh rammi zong kan bawmh hna lai,” tiah a chimchap.

Jim Yong Kim le UN SG Antonio Guterres hna cu July 1 in 2 tiang Bangladesh ramah an tlawng lai i Rohingya pawl dirhmun le zeitin dah kan zohkhenh hna lai ti an check lai.

Leave a Reply

Your email address will not be published. Required fields are marked *