15.1 C
Hakha
Monday, June 21, 2021
- Advertisement -

Ṭial Tharmi

Wa Ralkap nih ritsii phortu 6 a thah hna

United Wa State Army (UWSA) nih phungninglo ritsii phortu bu chungtel 6 cu Nithumni ah a thah hna, tiah The Irrawaddy thawngzamhca nih a ṭial.

“Ritsii phortu 6 kan thah hna, pakhat kan tlaih,” tiah Lashio um UWSA biachimtu Nyi Rang nih a chim.

5pm hrawngah UWSA ralkap nih phungninglo ritsii phortu cu an hmuh hna. “I ap uh” an ti hna nain an duh lo i UWSA ralkap cu an kah hna caah an lehrulh ve hna i thi lak in an kah hna hi si.

“Ka ralkap pawl nih mah lio ahhin lungthawhnak ritsii tlang ting 30 hrawng an chuh hna,” tiah Nyi Rang nih a chim.

Ritsii phortu cheukhat cu an zaam kho i atu hi pawngkam tlang le tupi chungah UWSA rakap nih an kawl hna lio asi.

Thailand ram he aa rimi Shan state nichuahlei cu Wa Ralkap (UWSA) nih an uk.

Nyi Rang nih, “ramri a kauh tuk caah hika zawn in ritsii an luhchuah pimi hi kan ralkap nih an kham thlu kho lo,” tiah Nyi Rang nih a chim.

“Mah vialte ritsii hi Thailand an luhpi khawh ahcun Thailand cozah nih Wa Ralkap a kan mawhchiat hoi lai,” tiah a chimchap.

Ka hrawng i ritsii tam deuh cu Shan state ah an sermi si. Thailand ram ah a thlithup in an luhpi i Myanmar nak man fak deuhpi in an zuar tawn.

Phungninglo ritsii cu Thailand cozah nih Chiang Mai le Thailand chaklei ah a tlaih tawn. Thailand cozah nih cun ‘mah ritsii pawl hi UWSA nih an chuahmi si’ ati. Thailand cozah nih a puhmi vialte cu UWSA nih an al ve.

UWSA nih “kan ukmi ram chungah phungninglo ritsii zong a um ti lo, mipi zong bing cin le chuahnak nawl kan pe ti hna lo i a phortu zong dan kan tat hna” ati.

Kan hnu thla ah UWSA nih ‘nan area chungin Thailand ah phungninglo ritsii luhpi an timh’ timi thawngpang a theih caah September 10 in Thailand ramri ah security chah deuh in a chiah.

Ritsii phortu pawl he an i kah hnu ah WUSA nih an meithal zong a chuh hna. Ritsii phortu pawl cu ralkap bantuk uniform le keden an i danh nain Myanmar ralkap he an i khat lo.

Nyi Rang nih, “ritsii phortu pawl cu Myanmar chung miphun pakhat an si, nain an miphun min chim cu a ṭha lo. Shan state pitusit pakhat member an si,” ati.

UWSA cu Myanmar ram chungah a nganbikmi le hriamnam ṭha bik a ngeitu hriamtlai bu asi. Shan state chaklei le nichuahlei ah um hmun an khuar.

- Advertisement -

Ṭial Tharmi

Malaysia um refugee pawl cu ‘CanSino’ raikhamsi chunh an si lai

Malaysia um refugee pawl zong raikhamsi chunh an si ve ko lai. CanSino raikhamsi chunh an si lai, tiah Malaysia cozah nih a thanh. Malaysia...

Chin refugee an i telnak Malaysia movie nih Shanghai ah ‘movie ṭhabik laksawng’ a ngah

'Barbarian Invasion' timi Malaysia um Chin refugee 2 an i telnak movie nih China ram Shanghai ah movie ṭhabik laksawng Jury Grand Prix a...

Russia ah Min Aung Hlaing a phan

Myanmar uknak firtu ralkap bawizik Min Aung Hlaing cu humhimnak meeting kai dingin nizaan ah Russia khualipi Moscow a phan. February 1 ah uknak...
- Advertisement -

World Cup luhnak puai Myanmar goal bawhtu Pyae Lyan Aung cu Japan ah refugee a sok

Kum 2022 ah Qatar ram ah tuah ding FIFA World Cup ah i tel khawhnak puai round 2nk cu Japan ram ah an tuah....

Rev Dr Dennis Shu Maung: Ramthumnak phan Chinmi nih Kawlram um Chinmi chanh hna usih

Australia Chin khrihfabu funtomnak bu Chin Christian Council in Australia (CCCA) hruaitu Rev Dr Dennis Shu Maung nih, "Ramthumnak phan Chinmi hna hi atu...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -