VP Pu Henry Van Thio: Tedim khua district ngahnak kong cu President biakhiahmi ah aa hngat

- Advertisement -

Myanmar Vice President [2] Pu Henry Van Thio nih Tedim khua district ngahnak kong cu Myanmar President biakhiahmi cung ah aa hngat tiah a chim.

VP Pu Henry Van Thio cu Tedim khua a tlawn lio ah khua nupa pawl he tonbiaruahnak an ngei i mah ahcun a cunglei bangin a chim hi a si.

VP Pu Henry Van Thio le mipi tonnak ah a kal vemi Pu Dal Muam nih,”Paletwa le Tedim khua i district kong catlap pawl cu Naypyitaw ah kan kuat cang i President biakhiahmi cungah aa hngat a ti” tiah a chim.

Cun, khuami pawl nih ihkhun 100 tlum sizung cu ihkhun 200 in tuahpiak dingin VP Pu Henry Van Thio sinah an hal.

Tedim khuami Pu Dal Muam,”Tedim khua i ihkhun 100 tlum sizung hi ihkhun 200 tlum in kauhpiak dingin kan hal nain Falam le Hakha ah ihkhun 200 sizung an um cang caah ruah hmasa a hau a ti.

“Sizung herhhai pawl cu kan in bawmh ko hna lai nain ihkhun 200 sizung pek ding cu Chin state, pengkip ah an um rih lo caah i ruah hmasa a hau a ti,” tiah a chimfawn.

VP Pu Henry Van Thio cu Chin state tthanchonak rian pawl zoh dingin August 12 ah Kalay airport a phan i Tedim khua ah a lan. Tuni ah khua nupa he ton biaruahnak an ngei.

Laitlang a tlawng liomi VP Pu Henry Van Thio cu Chin state chaklei peng 5 zong ah ni 5 rau in a kal lai tiah kan theih. – Chin World

Ṭial Tharmi

Kalaymyo ah Quarantine lutmi minung 7 tazacuai an tong

Sagaing ramtthen, Kalaymyo ah Quarantine Center ah a lutmi minung 7 cu zuu an ding i sianginn kutka an hrawh caah ram...

Malaysia Covid-19 mizaw thar 95, a thimi 1

Tuni September 18 ah Malaysia ram ah Covid-19 mizaw 95 an hmuhchap hna i zawtnak ngei hmuhmi dihlak 10,147 an si cang.

Pastor Te Soiselnak Sawhsawh a Lo Nain | Salai Bawi Lian Mang

BIA KAA-KHAT | By Salai Bawi Lian Mang (Note: Mah ca hi 2005 May thla ah Lai Forum ah...

Nazareth Khua ah Minung 2 Meithal Kah in an Thi

Judah (Israel) ram Nazareth khua ah zahan zaan ah meithal kahnak a chuak i pa pahnih an thi, tiah Israel media pawl...
- Advertisement -