17.1 C
Hakha
Sunday, July 25, 2021
- Advertisement -

Ṭial Tharmi

VIDEO: US Kungṭeih ah Mirangpa nih Minung 8 Meithal in a Kah Hna

Tuni ah US ram, Wisconsin state um kungṭeih (mall) pakhat ah Mirangpa nih minung 8 meithal in a kah hna caah sizung an phan, tiah palek nih an chim.

Kaptu pa cu palek nih an kawl cuahmah liopi asi.

Meithal kah a chuahnak hmun cu Wisconsin state, Wauwatosa khua um Mayfair Mall ah asi, tiah Milwaukee County Palek Sakhan nih a thanh.

“A hmun ah poipang/emergency chanhtu palek an va phak cun, meithal kaptu pa cu a um ti lo,” tiah Wauwatosa Khua Palek Sakhan nih a thanh ve.

“Atutiang thil sining kan hlat khawh tawk ahcun, mi he an i velh hnu ah hitin meithal in mipi a kah hna hi si,” ati.

Hliam tuar 8 cu upa 7 le tleirawl pakhat an si. Rianrang in sizung ah an kalpi hna.

Zei tluk dah an hma fah ti cu hngalh asi rih lo nain, Wauwatosa khuabawi Pu Dennis McBride nih, “an nunnak caah thinphang asi lo,” ati.

Wisconsin State Cozah Lutlai/Governor Pu Tony Evers nih, “hliam tuar dihlak tuante ah dam colh hraam hna seh,” tiin Twitter ah a tial.

Meithal kaptu pa cu Mirang asi i kum 20 silole 30 hrawng minung asi tiah mithmutu pawl nih an chim, tiin palek nih an thanh.

Mirangpa nih cun duhpaoh in a kah thluahmah hna caah kungṭeih rianṭuan pawl cu kungṭeih chungah an i thup len hna.

Kungṭeih ah thil a cawmi nu Jill Wooley nih, “kum 79 a simi ka nu he kungṭeih chung kan um lio ah meithal kah thawng cu kan theih,” tiah khua hrambunh media WDJT sinah a chim.

“Voi khat ka theih cangka in meithal thawng asi ti ka hngalh colh, a rauh hlan ah zun khat hnu zun khat meithal puah thawng kan theih thluahmah.

“Tuang ah kan bok colh. Kan nuhrin thluak hrim nih mah bantuk ton cun cutin um ding ti cu a hngalh cia rua ka ti. Hi bantuk ton ahcun zeitin dah kan um lai ti kan hngalh dih colh ko,” ati.

Kungṭeih ngeitu company nih, “tuni ah kan mileng le dawr khan hlang pawl hi bantukin buainak an ton cu kan lungfak i kan thinhung tuk hringhran,” tiah cathanh a chuah.

“Wauwatosa Palek Sakhan nih a kan bawmh caah kan i lawm. Thil sining hlathlainak an tuahmi ah an herhmi paoh kan bawmh hna lai,” ati.

Mayfair Mall cu tuzaan khuadei tiang palek nih an congh lai, i thaizing cu an khar lai.

Charhchan: AFP, Fox News, Good Morning America, CBS News

- Advertisement -

Ṭial Tharmi

Malaysia: Raikhamsi voi 2 aa chun cangmi pawl cu restaurant ah rawl ei ngah cang lai

COVID-19 raikhamsi voi 2 ning tein aa chun cangmi pawl cu tu hnu ni tlawmpal ah zapi zaran nakin an zalong deuh cang lai. Malaysia...

Aung La i phomh dingin Singapore a phan cang, a sung hoi hnga maw?

Aung La Nsang cu July 30 ah Singapore ah Brazil pa Ataides he aa phomh ding an si caah tuni ah Singapore ram a...

US ah Pu Van Hnuai Hnin a nunnak liam

US ram, Indianapolis khuapi um Pu Van Hnuai Hnin nih ruah lo piin July 20 zaanlei 4:30pm ah hi vawlei nunnak in a kan...
- Advertisement -

Malaysia: October thla ahcun kan ram um kum 18 cung vialte COVID-19 raikhamsi kan chunh dih hna lai

Malaysia ram hruaitu Rampumpi Vuancichoh Pu Muhyiddin Yassin (hmanthlak) nih, "A ra laimi October thla ahcun kan ram um kum 18 cung vialte (rammi...

Malaysia nih raikhamsi voi 2 aa chun cangmi pawl caah SOP dorh/lo hmai zarh ah bia a chah lai

Malaysia ram hruaitu Prime Minister Pu Muhyiddin Yassin nih, "COVID-19 raikhamsi voi 2 aa chun cangmi pawl caah COVID-19 zulhphung SOP dorh/lo cu hmai...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -