VIDEO: Singapore Myanmar Sinum Nu Nih a Boss Fanu Kut Tisa Tlok Chungah A Hnim

- Advertisement -

Singapore — Inn ngeitu fanu thla 16 te lawng si rihmi kut tisa tlok chungah a pehpeh in a hnimtu Myanmar sinum nu (kum 30) cu palek nih an tlaih.

Myanmar sinum nu cu January 15 ah, Block 992B Buangkok Link sang um a boss te inn ah an tlaih.

Tisa tlok chungah a pehpeh in bawhte kehlei kut a hnimh lio CCTV video cu a boss nu Amy Low (kum 40) nih January 21 ah Facebook a tar i bawhte a ṭah thawng zong aa thei.

Video cu voi 218,000 an zoh cang.

Amy Low nih, “January 14 zaanlei ah ka vapa he rianṭuannak ah kan kal i kum 8 a simi ka fanu he 3 in inn ah kan kaltak hna lio ah hitin a tuah hi si. CCTV video ka hmuh bak cu ka pumpuluk in ka thather dih,” tiah Singapore media The Straits Times sinah a chim.

“Kan lau tuk i lam nai sii-khaan ah kan piah colh nain a hma fak tuk tiin sibawi nih sizung i emergency department ah a kan kuat.

“Mah hnu in ka fanu cu zaan fatin ngol loin a ṭhap peng. A ngakchia tuk rih i holh a thiam lo caah a mang maw chia siloah a fak tuk dah ti zong kan hngal lo.

“Kan sinum nu hi Myanmar rammi a si. Ni kum December 7 ah kan lakmi asi.

“Bawhte nih coka i bel sa a tongh sual tiin kan sinum nu nih a chim, nain CCTV video ka zohter hnu ah Kawlram tlun ka duh caah ka tuahmi si aa ka ti.

“Kawlram tlun ka duh, ka hawile nih khatin tuah law na tlung kho ko lai an ka ti. Puaisa zong nih an ti ve maw ka ti i ‘yes’ ati.

“Video ka zoh hnu ah palek ka chawnh hna i sinum nu cu an tlaih,” tiah a chim.

Tuksapur in fahnak a pek hramhram tiin palek nih case an tuah i hlathlainak an tuah lio asi.

Mah hi hmet law boss nu nih a post mi video zoh khawh asi

Ṭial Tharmi

Thantlang ah Vok zawtnak in vok 1,360 an thi cang

Thantlang khua ah inn zuatmi vok pawl cu Porcine Circovirus Type-2 (PCV-2) zawtnak ruangah an thi hna i April 20 in August...

Myanmar cozah nih ramdang ah aa tapmi a rammi 10,000 leng a lak cang hna

Myanmar cozah nih ramdang ah aa tapmi a rammi pawl cu vanlawng in a lak hna i August 12 zaan tiangah minung...

VP Pu Henry Van Thio: Tedim khua district ngahnak kong cu President biakhiahmi ah aa hngat

Myanmar Vice President Pu Henry Van Thio nih Tedim khua district ngahnak kong cu Myanmar President biakhiahmi cung ah aa hngat...

Malaysia ah Covid-19 mizaw thar 15 an hmuhchap

Tuni ah Malaysia ah Covid-19 zawtnak ngeimi 15 an hmuhchap hna i zawtnak ngei hmuhmi dihlak 9,129 an si cang.
- Advertisement -