24.4 C
Hakha
Saturday, February 29, 2020
More

    VIDEO – Singapore ah Chin nu hartong

    Follow Us

    99,937FansLike
    441SubscribersSubscribe

    Ṭial Tharmi

    - Advertisement -

    Kan Chinmi nungak pakhat cu Singapore ram ah sinum ṭuan dingin a kal. Nain a boss nih “kum 25 na tling rih lo, palek kan tlaihter lai…” tiin a tlerh peng caah a lungrethei tuk i a zaam. Khua chungah bawmtu kawl in a vai.

    A rak ṭahnak ah a mit zong sen dih. Kawlnu nih lamkam ah a hmuh i bia a hal. A thiam lo bu tein a mitthli he “I am 25…” a ti cu ngaih a chia tuk hringhran.

    Kan cozah ṭhat lo ruang kan ram sifah le kan ram chung rianṭuan awk um lo ruangah, pawcawmnak kawl in mi ramdang kan phan i hitin harnak kan ton cu tuar a har ko.

    Kan farnu zoh ah thinlung nih a celh hrimhrim lo.

    Thil sining cu, “Kum 25 ka si taktak ko nain ka boss nih kum 25 na tling lo, palek kan tlaihter lai aa ka ti peng. Ngakchia sianginn ah ka thlah lio ah ka boss nih phone aa ka chawnh i kum 25 na tling rih lo, palek ka auh hna lai ati caah ka ṭih tuk i ka zaam,” tiah a chim.

    “Ka passport zong boss sinah a um.

    “Ka boss cu ka puaisa/agency ka chawnh piak ka ti zongah aa ka chawnhpiak duh lo. Kei le phone ka ngei lo,” tiah a ṭah buin a chim.

    Sinain a rak fel tuk i cauk ah puaisa phone number le khualei phone number aa rak ṭial dih caah Kawlnu nih puaisa phone cu a chawnhpiak khawh.

    Atu cu puaisa inn a phan cang.

    Kan farnu hi Saimun khuami asi, tiah kan theih.

    Nawlnak: Kan website chung ca hi website dangah copy piak lo dingin kan in nawl hna.
    Tial Lian Thang
    Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.