VIDEO – Rung Lian Ceu a ralchia aa ka timi nan um sual cun mah VIDEO hi rak zoh ta uh

US in Hakha tiang paih champion a ngahmi Rung Lian Ceu nih tunai ah, “Rung Lian Ceu a ral chia, Sunk a tih ti mi nan um sual ma? Nan um sual a si cun mah video hi zoh than ta uh,” tiah a Facebook ah Video a tar.

“$5000 in ka singkhaw lio hna khan kan Laipa aho tal an dir ngam ma?” tiah Chuncung cakei nih Laipa pawl a chalh hna.

Rung Lian Ceu nih $5,000 in a singkhaw hna lio ah Laipa ahohmanh an rak chuak ngam lo – atang VIDEO

August 31 ah US ram Dallas khuapi ah tuahmi paih champions lawngte champions siangpahrang i cuhnak ‘King of Champions’ ah Rung Lian Ceu aa paih lo caah mipi an vuivai taktak.

Rung Lian Ceu cu US le Hakha lawng si loin Malaysia zongah fans tam taktak a ngei. ‘Paih’ ti paoh ahcun Rung Lian Ceu aa pai lai maw? tiah an hlam colh peng. An uar taktak.

King of Champions cotu Hniarlawn patthawng Uk Ling Thang nih, “tutan paihnak ahhin upa pawl nih US um champions paoh cu an sawm dih ko hna, an rat lo hi cu sungh an ttih ruangah si ko,” tiah a chim.

“Rung Lian Ceu zong hi aa manh ko ahcun aa paih ve ding hrim si,” ati.

Uk Ling Thang biachimnak cu atang video minutes 11:30 in aa thok.

Uk Ling Thang hi Rung Lian Ceu he voi 2 an rak i pai. Avoi 2 ningin Rung Lian Ceu nih a rak tei. Nain, atu cu Uk Ling Thang zong gym a tuah peng i a taksa a khat chin lengmang cang. Aho dah aa tei lai ti chim a har ngai cang.

Chuncung cakei Rung Lian Ceu le Hniarlawn patthawng Uk Ling Thang le Hriphi chiandeuh Sang Hlei Thang i phomh hna sehlaw ho dah na zumh bik, comment…

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.