15.3 C
Hakha
Monday, June 21, 2021
- Advertisement -

Ṭial Tharmi

VIDEO — Ronaldo cu interview liopi ah a ttap

Naite ah Cristiano Ronaldo cu thawngla Piers Morgan nih interview a tuah i mitthli kualkual in a ttap.

Euro 2004 lai ah Ronaldo apa Dinis cu interview an rak tuah i a fapa Ronaldo a uarnak kong cu “Ronaldo hi kai zohthla tukmi asi…” tiah nuam taktak in a rak chim.

Mah video cu Piers Morgan nih a piah ruangah a ttahnak si.

Ronaldo nih a ttah pah in “mah video hi ka hmu bal lo, sorry” ati.

Piers Morgan nih “zei ruang dah na ngaihchiat?” tiah a hal.

Ronaldo nih, “ka pa nih number 1 ka simi a hmu manh lo, laksawng ka lak lio a hmu bal lo. Ka chungkhar nih an hmuh dih, ka nu, ka unau pawl le ka fa upa pa hmanh nih an hmuh nain ka pa nih ka hlawhtlinmi pakhat hmanh a hmu manh lo,” ati.

Apa cu zuutama a rak si i Ronaldo he zong ttha tein bia an rak i ruah bal lo. Kum 52 asi lio 2005 ah a rak thi.

Ronaldo nih, “ka pa hi ttha tein ka hngal lo. Zuu a ri peng. Bia kan i ruah bal lo. A har ko,” tiah a chim.

Leicung Bawlung Chuih Thiambik Laksawng voi 5 tiang a ngahmi pa nih liamcia kum 3 in atutiang a ngaknu Georgina Rodriguez kong zong a chim.

Kum 25 Spain model nu he hin fa 1 an ngei. Amah Ronaldo cu fa 4 a ngei cang.

“Ka ngaknu nih tampi aa ka bawmh. Ka uar tuk lawlaw. Ka nun chung ka uar bikmi nungak asi,” tiah a chim.

“Ka fale hna i an nu asi, kai zohthla tuk. Uar um tuk. Ka hawikom bantuk zong asi. Bia kan i ruah tawn. A caah ka thinlung ka on i a thinlung aa ka onpiak ve,” ati.

- Advertisement -

Ṭial Tharmi

Malaysia um refugee pawl cu ‘CanSino’ raikhamsi chunh an si lai

Malaysia um refugee pawl zong raikhamsi chunh an si ve ko lai. CanSino raikhamsi chunh an si lai, tiah Malaysia cozah nih a thanh. Malaysia...

Chin refugee an i telnak Malaysia movie nih Shanghai ah ‘movie ṭhabik laksawng’ a ngah

'Barbarian Invasion' timi Malaysia um Chin refugee 2 an i telnak movie nih China ram Shanghai ah movie ṭhabik laksawng Jury Grand Prix a...

Russia ah Min Aung Hlaing a phan

Myanmar uknak firtu ralkap bawizik Min Aung Hlaing cu humhimnak meeting kai dingin nizaan ah Russia khualipi Moscow a phan. February 1 ah uknak...
- Advertisement -

World Cup luhnak puai Myanmar goal bawhtu Pyae Lyan Aung cu Japan ah refugee a sok

Kum 2022 ah Qatar ram ah tuah ding FIFA World Cup ah i tel khawhnak puai round 2nk cu Japan ram ah an tuah....

Rev Dr Dennis Shu Maung: Ramthumnak phan Chinmi nih Kawlram um Chinmi chanh hna usih

Australia Chin khrihfabu funtomnak bu Chin Christian Council in Australia (CCCA) hruaitu Rev Dr Dennis Shu Maung nih, "Ramthumnak phan Chinmi hna hi atu...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -