16.7 C
Hakha
Thursday, June 17, 2021
- Advertisement -

Ṭial Tharmi

VIDEO: Malaysia Palek Pa nih Kawlrammi a Velh

Malaysia palek nih Myanmar pa a velh lio video zoh ah lung a fak tuk hringhran. Ralkap nih kum 60 chung kan ram an uk i sifak cikcek in an tuah caah rammi tampi cu innpa ram ah pawcawmnak kawl in kan vai.

Mah hnu zongah, ralkap bawi pawl nih an uniform i phoih in USDP party an dirh i “kanmah hi mee kan pe ulaw, kan in uk rih hna lai, cu e kha e…” an ti rihmi khi cu duh an nun lo tuknak ahkhin zaangfak lei an si.

Malaysia ram hna ah kuli ṭuan dingin kan ra i an ram palek nih hitin a kan velh hi ngaih zong a chia, lung zong a fak. A velhnak kong cu Malaysia media nih atanglei bangin an ṭial.

Palek cu Malaysia rammi himnak caah ṭihnung lakah an i paih peng caah an cungah kan i lawm i kan zohthla tuk hna.

Sinain ngaihchia ngai simi cu, an rian nih nawlngeihnak a pekmi hna ningcang loin a hmangmi palek cheukhat an um ve tawn.

Harian Metro nih a ṭial ningah, palek pakhat nih Seremban peng, Senawang khua sehzung ah rianṭuanmi Myanmar pa fak tukin a velh caah palek sakhan nih hlathlainak an tuah lio asi.

A velh lio video cu social media ah an tar len. Sehzung rianṭuan pawl cu quarantine center ah kal dingin bus an hngak i lamkam artlang in an ṭhu hna, mah lio cun Myanmar pa cu palek pa nih a chuih len.

Seremban Peng Palek Bawi Said Ibrahim nih, “palek pa nih a chuihmi kong cu an ka chimh i hlathlainak kan tuah lio asi,” tiah a chim.

“A dik ahcun, palek sakhan ah report kan tuah lai i aa tlak ningin hma kan lak lai. Hohmanh nih upadi lonh a ngah lo,” ati.

Sinain, Malaysia rammi cheukhat nih cun palek pa an bawmh. “Ramdangmi cheukhat cu chimh an ngai lo i an lungkhong tuk, cucaah palek pa nih a chuih lio seccond 6 video lawng nih cun zeihmanh tehte a piah kho lo,” an ti.

Sinain, micheu khat ve nih cun “zei bantuk asi hmanh ah khatin kutke thlak ding asi lo” an ti ve.

- Advertisement -

Ṭial Tharmi

Myanmar ralkap nih ‘innpa ram pawl nih kan cohlang hna seh’ tiin kan ram chuak a zuarh hna

February 1 ah Myanmar ralkap nih mipi thimmi cozah uknak a chuh thokin rampumpi ah mipi nih duhlonak an langhter i cozah rianṭuan pawl...

Malaysia PM: Ni fatin mizaw 4,000 tang an si tikah lockdown kan dorh lai

Ni fatin COVID-19 mizaw 4,000 tang an si tikah full lockdown kan dorh lai, tiah Malaysia ram hruaitu Rampumpi Vuancichoh Pu Muhyiddin Yassin (hmanthlak)...

Nupi 39 ngeimi Pu Ziona a nunnak liam

Nupi 39 le fa le tufa 127 a ngeimi Pu Ziona Chana, kum 76 cu Mizoram ah a nunnak liam, tiah Mizoram cozah nih...
- Advertisement -

Kawl Ralkap nih pumtlamtlinglo Chinmi 2 meithal in an kah hna i an hrem hna

Uknak firtu Kawl Ralkap nih June 10 ah Chin state, Mindat peng Phaya Sakhan khuate an luhhnawh i pumtlamtlinglo mi nu le pa meithal...

CDF le Kawl Ralkap i kah ruangah a zaammi Chin ralzaam tampi Mizoram ramri ah an i tap

Nai hrawng cu Chin state ah Chinland Defense Force (CDF) le uknak firtu Kawl Ralkap i kahdohnak a fah caah Chinmi a zaza nih...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -