6.4 C
Hakha
Tuesday, December 10, 2019
More

    Video interview – Van Hlei Sung he biaruahnak

    Follow Us

    99,419FansLike
    254SubscribersSubscribe

    Ṭial Tharmi

    - Advertisement -

    Kuala Lumpur — CNF Regional Committee nih concert ah hlasa dingin a sawmmi kum 20 ngaknu awṭha Van Hlei Sung nih biaruahnak caanttha a kan pek caah a cungah lunglawmhnak tampi kan ngei. Atanglei ah, kan biahalnak a kan lehmi rel le VIDEO zoh khawh asi.

    Van Hlei Sung: Va caah cun keimah aa ka duhmi le aa ka cawm khomi ka duh. Minung kan si bantukin rian aa tlaihmi khi cu kan vat hna awk si. Cun, Laipa ka duh. Ka sining aa ka cohlang khomi le keimah zong nih ka duhmi pa khi vat ka duh.

    Tutan Malaysia ka rat cu ni kum nakin ka ralttha deuh cang. Ni kum ka rat lio kha cu ka ningzak ngai i ka duhmi zong ka chim ngam lo.

    Kannih Laimi cu love song kan sak tikah ‘dawtnak’ lawngte kan sak ko caah a sual lo. Nain, ramdang khi cu love song an sak tikah pawrhlawtnak, mi soiselnak le nupa sualnak kong tampi an sa cang. Khi bantukin sak ahcun zuun hla (love song) hi a sual kho. Cucaah Laimi cu zuun hla kan phuah le sak tikah dawtnak lawng kha phuah in sa peng hna usih, ti ka duh.

    Laimi sinah hlasak in pawcawm hi a har ngai. Laitlang ah a um i Pathian hla a sami cu ramdang an cah hna tikah tangka tam ngai an pek hna, Laitlang zongah thawngttha chim an zul tawn hna i tangka tlawmpal an ngah caah i cawm khawh si ko lai. Nain, keimah bantuk ramthumnak ummi caah cun rianttuan ah hlawh a sang deuh, cun hlasak in hmuhmi tangka hi cu a tlawm caah pawcawm khawh ding asi lo.

    Atu hi Pathian hla album chuah kai tim i 2020 dongh lai hrawngah ka chuah khawhte lai tiah ka ruah.

    Lai hlasa ahcun Dawt Hlei Hniang hi ka ngakchiat tein atutiang ka uar bik zungzal ko. Tthangthar Lai hlasa ahcun Dawt Hlei Tlem hi ka uar bak. Aw tuah zong a thiam tuk. A upat tik lebang cun amak tuk lai.

    Kan halmi le a kan lehmi tampi um rih, atang video ah tling tein zoh ve.

    Nawlnak: Kan website chung ca hi website dangah copy piak lo dingin kan in nawl hna.
    Tial Lian Thang
    Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.