16.4 C
Hakha
Thursday, July 29, 2021
- Advertisement -

Ṭial Tharmi

[VIDEO] Benjamin Sum le Yaw Kee hmurka – Myanmar Idol Top 11

Atu lio Chin vawlei pumpi a hnintu Myanmar Idol Season 4 Top 11 chungtel Benjamin Sun, Yaw Kee le Esther Dawt Chin Sung cu Kawl celebrity media nganbik a simi MC le adang tampi nih bia an hal ve hna.

Benjamin Sum le Yaw Kee an halmi hna zoh usih. Esther Dawt Chin Sung an halmi cu kahin kan ṭial cang, hmet law rel khawh asi.

Yaw Kee nih, “kanmah 11 ningin pakhat le pakhat kan thiamnak aa dang cio. An dihlak in power khat ṭhipṭhep tein an ra cio hna i an thiam dih. Kan i zuam ṭimi hna sinin i lak awk zong tampi um,” tiah a chim.

“An i ziak khunmi hla phun (genre) um cio i mah bantuk ahcun ṭha tukin an sak khawh cio hna. Nain kan i ziakmi cio lawng sak khawh si lo, hla phunphun sak asi caah kanmah 11 ningin hla phunkip kan ngai cio hna. Kan i tim cio hna.

“Mipi nih tha a kan pekmi a lakka sinak hnga lo, a ṭha bikin kan sakpiak khawh hna nak hnga kan dihlak in kan i tim cio,” tiah a chim.

Benjamin Sum nih, “avoi 1nak bik Live zuamnak caah tampi timhtuahnak ka ngei. Solo Round zuamnak kan dih cangka in hla ka ngai colh. Hlasak a kan chimtu saya/ma nih a kan chimhmi ka si khawh chungin ka zulh i tampi kaa zuam,” tiah a chim.

“Ka aw ngan tukmi cu Pathian thluahchuah asi ka ti ko lai.

“Kei cu tlangcungmi ka si tikah ka aw zong pei i ka zuam ṭimi ka hawile nih cutin khatin na chuah lai ti an ka chimh tawn, unau chuakṭi khat bantukin kan um hna,” tiah a chim.

Cun, STUN Magazine sinah Yaw Kee nih, “kanmah minung 11 lakah keimah hi a mui chia bik [hihiii..], cun a tung niambik zong ka si caah ka mui zong i dawh deuh dingin ka zuam cuahmah,” tiah capo in a chim.

Benjamin Sum nih, “avoi 1nk bik Live (Top 11) tiang ka phan kho lai maw ti ka rak hngal lo, atu bantukin ka phanh khawh caah hringtu ka nu caah hla fung 1 te kai thimmi um. Ka nu caah sakpiak ka duh. Hla khawngsin cu “Ka Nu Caah (Ame-a-twet) ti asi,” tiah a chim.

Yaw Kee le Benjamin Sum nih thapetu mipi cungah an i lawmh tuknak kong zong tampi an chim. Acung le tang video 2 ah tling tein zoh khawh asi.

- Advertisement -

Ṭial Tharmi

Malaysia: Raikhamsi voi 2 aa chun cangmi pawl cu restaurant ah rawl ei ngah cang lai

COVID-19 raikhamsi voi 2 ning tein aa chun cangmi pawl cu tu hnu ni tlawmpal ah zapi zaran nakin an zalong deuh cang lai. Malaysia...

Aung La i phomh dingin Singapore a phan cang, a sung hoi hnga maw?

Aung La Nsang cu July 30 ah Singapore ah Brazil pa Ataides he aa phomh ding an si caah tuni ah Singapore ram a...

US ah Pu Van Hnuai Hnin a nunnak liam

US ram, Indianapolis khuapi um Pu Van Hnuai Hnin nih ruah lo piin July 20 zaanlei 4:30pm ah hi vawlei nunnak in a kan...
- Advertisement -

Malaysia: October thla ahcun kan ram um kum 18 cung vialte COVID-19 raikhamsi kan chunh dih hna lai

Malaysia ram hruaitu Rampumpi Vuancichoh Pu Muhyiddin Yassin (hmanthlak) nih, "A ra laimi October thla ahcun kan ram um kum 18 cung vialte (rammi...

Malaysia nih raikhamsi voi 2 aa chun cangmi pawl caah SOP dorh/lo hmai zarh ah bia a chah lai

Malaysia ram hruaitu Prime Minister Pu Muhyiddin Yassin nih, "COVID-19 raikhamsi voi 2 aa chun cangmi pawl caah COVID-19 zulhphung SOP dorh/lo cu hmai...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -