VIDEO – Bawi Thiang Bik nih Myanmar Idol ah a uar bikmi hna a phuan

-

- Rak Cawngia -

Kuala Lumpur — Malaysia Chin ralzaam ngakchia hna sianginn kainak Chin Student Organization (CSO) fund kawlnak concert ah free tein hlasak aa rung thawhmi awṭha Bawi Thiang Bik he aa ṭhumhnak CSO sianginn ah tonbiaruahnak kan ngei kho.

“Myanmar Idol aa zuam liomi pawl cu an thiam tuk, uar an um tuk hna i pakhat tein i thim awk ka thei bak lo.

“Miphun lungput ka ngeih pah zong asi kho men, kanmah Chin miphun Yaw Kee, Esther Dawt Chin Sung le Benjamin Sum hi thazaang ka pek ngai hna. Ka uar ngai hna. Pakhat theng tein thim awk ka thei lo,” tiah Chinmi 3 a uarbik hna nak kong a phuan.

Suimilaam cheu chung bia tampi kan halmi lakah tlawmpal lawng ka ṭial lai i adang cu atang video ah tling tein zoh khawh asi.

“Kan nu he nau kan pawinak thla 6 asi cang. Pate asi. Min cu kan sa rih lo. Min saknak kong cu Pathian sinah thla kan cam liopi asi,” ati.

“Love song ka rak sa bal ko nain biatak tein Pathian dawtnak ka pemh hnu cun Pathian nih awzai aa ka pekmi cu amah thangṭhatnak ca lawngah hmang cang ning ka ti i love song ka sak ti lonak asi.

“Nain, love song sak cu sual ah ka ruat lo. Biakam Hlun zongah Solomon nih love song a sak len ko i Pathian nih na sual tuk a tinak ka hmu leemlo.

“Kan nu he kanmah 2 lawng album chuah kan i timh cuahmah liopi asi,” tiah a chim.

“CSO saya/ma te hi… atang video ah tling tein zoh ve dingin kan nawl.

VIDEO

Ṭial Tharmi

Malaysia, Pudu sang ah Covid-19 a thiang cang

Covid-19 mizaw tampi hmuhnak Pudu area cu a thiang cang, tiah Dr Noor Hisham nih July 4 ahkhan a thanh.

Kanpetlet ah sibawi le nurse pawl Mobile Tablet an phawt hna

Chin state, Kanpetlet khua sizung ah ngandamnak lei rianttuan pawl Mobile Tablet an pek hna. Mobile Tablet peknak cu...

Tuni Malaysia ah Covid-19 mizaw 5 hmuhchap a si

Tunu July 6 ah Malaysia ram ah Covid-19 zawtnak ngeimi 5 an hmuhchap hna. 3 cu ramdang in a rung tlungmi an...

India ram in tlun duhmi Chinmi 190 hrawng an um

India ram in Kawlram tlun a duhmi Chinmi 190 hrawng an um i atu tiang ah minung 7 lawng an tlung kho...
- Advertisement -