23.7 C
Hakha
Thursday, June 24, 2021
- Advertisement -

Ṭial Tharmi

Vice President Thio nih Lailenpi Airport an Sakmi Zohfel

Myanmar Vice President Pu Henry Van Thio nih nizaan December 22 ah Chin state, Lailenpi khua ah Lailenpi Airport an sakmi a zohfel.

Vice President Thio le a miṭhi cu Naypyitaw in zingka ah helicopter in Bagan Nyaung-U Airport ah an i din. Cuka in Chin state, Lailenpi Airport sak liomi hmun ah an zuang.

Chin State Cozah Lutlai Salai Lian Luai le a miṭhi state vuanci pawl nih an don hna.

Vice President cu Lailenpi Airport sakning fianhnak khaan ah a kal i airport sak ṭuanvo latu engineer Mr. Terry nih airport an sak ning le zeitluk dah kan lim cang i zei dah tuah ding a taang rih ti pawl a chimh.

Vice President nih hngalh a duhmi paoh a hal ve.

Cu hnu ah Lailenpi khua nupa nih khua herhhai an chimh i state Cozah Lutlai Salai Lian Luai le Chin vuanci pawl nih an leh. Vice President zong nih a leh ve hna.

Mah hnu cun, airport sakmi cu vice president nih a zohfel.

A zohfel dih hnu ah, vice president le a zultu pawl cu helicopter in Lailenpi khua in Bagan in Naypyitaw ah an kir.

Lailenpi Airport konglam

Lailenpi Airport cu vanlawng a hmemi pawl ṭumnak caah tuahmi asi.

Chin state khuate ah zawtfah caan ah khuapi sizung kal a har tuk caah fawi deuh in tlunkal khawhnak caah Ramkip Mihar Bawmtu Vanlawng Bu (Mission Aviation Fellowship – MAF) bawmhnak in sakmi asi.

Dr. Sasa nih MAF sinah bawmh a hal i a kan sakpiakmi asi.

Myanmar rampumpi cozah nih 2017 ah airport saknak nawl cu a pek hna i 2019 May thla in sak an thok. Atu cu an lim deng cang, 75% an lim cang.

Lailenpi Airport hi Myanmar ram ah, ramdang tangka le fimthiamnak lawngte in sak hmasa cemmi asi.

— Myanmar President Office

Myanmnar ram ah, Lailenpi Airport hi avoi 1nk bik ramdang tangka le fimthiamnak lawngte in sakmi asi.

Airport cu rili in pe 4,918 a sannak hmun ah an sak. Vanlawng tliknak lam cu pe 2,500 a sau i pe 50 a kau.

Caravan Cessna vanlawng pawl a ṭum kho lai. Vanlawng dinhnak (chiahnak) hmun cu a sau pe 150, a kauh pe 200 in an sak.

- Advertisement -

Ṭial Tharmi

Malaysia boss pawl nih ‘lockdown donghter cang’ tiin cozah an hal

Kuala Lumpur: Malaysia Rianngeitu Phu (Malaysian Employers Federation - MEF) nih, "Full lockdown (FMCO) hi a rannak in donghter cang," tiin nizaan ah cozah...

Falam ah COVID-19 in minung 1 a thi chap

Zahan zaan suimilam 8 hrawngah Matubuk sang um Salai Lal Tha Eng, kum 25 cu COVID-19 zawtnak in an inn ah a nunnak liam....

COVID-19 ruangah kharmi Paletwa sianginn an on ṭhan cang hna

Chin state, Paletwa peng sianginn pawl cu COVID-19 zawtnak an hmuh caah an khar hna nain tuni June 23 ah an on ṭhan cang...
- Advertisement -

Malaysia rammi nih ‘refugee hi hmun dangah umter hna uh’ tiin cozah an hal

Malaysia Ramchung Vuanci Pu Hamzah Zainudin nih, "UNHCR card aa tlaihmi pawl hi hmun dangte ah anmah lawngin umter hna uh tiin kan rammi...

CRC Malaysia: Covid Raikham Sii Chunhnak Minpeknak Theihternak

Malaysia um Chin miphun hawikom dawt hna Covid raikham sii chunhnak kong he pehtlai in theither kan in duhmi hna cu nan mah le...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -