12.9 C
Hakha
Friday, March 5, 2021

Malaysia COVID-19

Malaysia
310,097
A zawmi
Updated on March 5, 2021 1:54 pm
Malaysia
1,159
A thimi
Updated on March 5, 2021 1:54 pm
Malaysia
286,904
A dammi
Updated on March 5, 2021 1:54 pm

Vice President Mike Pence nih Trump a Thlah Duh Lo

Advertisement

US President Donald Trump cu tuni in a caan dih cang caah tu zingka ah president inn White House in a chuak lai i Florida state um a inn ah a kal lai.

Tu zingka (Asia caan tuzaan) hi US khualipi Washington D.C. um ralkap vanlawngtual Joint Base Andrews ah President Donald Trump thlahnak puai an tuah lai i cuka in Florida lei ah aa thawh beh lai.

Trump thlahnak puai ahcun Vice President Mike Pence kal aa tim lo, tiah Fox News nih a thanh.

Vice President Mike Pence nih, “kei le ka nupi cu President-thimmi Joe Biden le Vice President-thimmi Kamala Harris biakamnak puai ah kan kal lai,” tiah thawng a thanh.

President Trump cu kal aa tim lo. President le Vice President thar biakamnak puai cu tu chun (Asia caan tuzaan deilei) ah Washington D.C. um US Rampumpi Hluttaw (Capitol) ah an tuah lai.

Vice President Mike Pence a rianṭuantu pawl nih, “Trump thlahnak puai he Biden biakamnak puai he kal cu a buaithlak tuk ding si caah Trump thlahnak puai cu kai aa tim lo,” tiah Fox News ah an chim.

Nain, Trump thlahnak puai cu Biden biakamnak puai nakin suimilaam 4 tuan deuh ah asi pinah lam naihte an si caah kal duh cun a fawi tukmi si ko. Trump a thlah duh lo bia khi si.

Trump cu Biden biakamnak puai ah a kal duh lo. Tu zingka 8am hrawngah Joint Base Andrews in Florida um a inn ah zuan aa tim.

Liamcia kum 150 chungah, amah changtu ding president biakamnak puai ah a kal duh lomi cu Trump lawng hi asi.

Phun dangin chim ahcun, Trump nih US nunphung le president tuah tawnmi a upat lo. US mipi a upat hna lo zong asi. Vice President Mike Pence nih a thlah duh lomi zong hi mah ruangah le Trump tukforhmi mibuai pawl nih Hluttaw an baoh ruangah asi kho men.

Republican hruaitu 2; Hluttaw Sang (Senate) hruaitu Pu Mitch McConnell le Hluttaw Niam (House) Republican hruaitu Pu Kevin McCarthy zong Biden biakamnak tuah hlan biakinn pumhnak ah an sawm hna caah Trump thlahnak puai ah an kal lai lo.

Pu Mitch McConnell nih tunai ah ṭha lo lakin Trump a mawhchiat. A rauh hlan ah tling deuh in kan ṭial te lai. Rak zoh ṭhan te.

Trump thlahnak puai cu rian khinhmi ralkap, amah chungkhar, amah rianṭuantu le a ṭanhtu tlawmpal lawng kal dawh an si.

Trump nih thlahnak bia a chimmi mah hi hmet law rel khawh asi.

- Advertisement -

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

Ṭial Tharmi

Ṭial Tharmi

COVID-19

Vawleipumpi
116,340,241
A zawmi
Updated on March 5, 2021 1:54 pm
Vawleipumpi
2,583,666
A thimi
Updated on March 5, 2021 1:54 pm
Vawleipumpi
91,960,240
A dammi
Updated on March 5, 2021 1:54 pm
- Advertisement -