Vawleicung Ah Khuaruahhar In A Ropuimi Le A Man A Fakmi Mawtawka Dawh Le Tha Pawl Hi Rak Zoh Ve hmanh!

Atu a tanglei i kan rak langhter mi hna hi a cheu cu Presidents le Uktu-Bawi pawl citding ah saduhthahnak he sermi an si i, a cheu hi mirum le milianngan hna citding ah ruahchannak he sermi an si. An man a fah tluk in a cheu cu nihchuak hna an si i, a cheu cu an i dawh tak tak! A chung ah: Zuudinnak(bar), kholhnak, ihkhun kau pipi le nuamtak in umnak hmun an um pinah a cungah Helicopter tumnak tiang um kho mi mawtaw hna an si.

Batmobile  timi mawtaw a si, $4.2million man bak a si!

Kum 2012 in rak sermi a si i, Batman’s muicawl chungah Batman nih a hmanmi meithal kahnak a ngei i, a ke zong khomkhawh le chuah khawh a si mi mawtaw a si. Badman le Robin Movies  muicawl hna an uarnak hmelchunhnak ca i an sermi si.

The American Dream  timi a si, $4million man bak a si!

The American Dream hi a rangmi si i, Jay Ohrberg nih a sermi a si. Vawleicung ah mawtaw saucem an ti mi si, a sau pe 100, ke 26 ngei a si.

A chung ah tikhawlhnak (swimming pool), ihkhun ngam-pipi, i nuamnak hmun le a cungah Helicopter tumnak hna a ummi a si.

Mini limo timi a si i, $1.35million man bak a si ve!

Mah mawtaw hi a chungah TV le thilman fak hna in tampmuaih mi a si i, a thlalang-awng le a khar hna hi suihutmi in an tuah cun a ke hna hi million man dih in thlalang bantuk tleu in sermi ai dawh taktak mi a si. Mirum mi hna cit ding ah a hlei ce in tuahmi mawtaw a si.

The Midnight Rider timi a si, $2.5million man bak a si ve!

Mah mawtaw hi vawleicung ah a rit bikmi le a nganbikmi a si lai timi a si. Pe 70 a sau, pe 13 a sang, ton 22.7 a rit i, ke 22 a ngeimi a si. A ngeitu pa Pamela Bartholomew Machado nih “hi mawtaw hi zalong tein i nuamhnak le party tuahnak tianginn  a chung a kau mi a si i, vawleicung ah a thacem, a man sangcem le a ngancemmi mawtaw a si ko lai” a ti.

The Beast timi mawtaw a si , $3million man bak a si!

The Beast timi mawtaw hi, U.S president citding ah a hleice tha in 2009 ah an rak serchuahmi a si. Vawlai cungah thacemmi datsi tank a ngeimi a si i, lehmah 8’’ chah in a kutka- khar hna an sermi a si. U.S president Trump nih riantuan hram ai thawk ni bak ah a hnubik an serthar mi, Beast mawtaw thar cu a hman i, a kutka-khar hi Boeing 747 jet vanlawng tluk in a fek i, ton 8 tluk a rimi a si.

 

The Sultan of Brunei timi mawtaw a si, $14million bak a si ve!

Hi mawtaw zong hi Muslim bawi pawl citding ah anmah Muslim biaknak lei thuam le thil in phundang ngai in tamhmi le vawleicung mawtaw nganbik leiah a tel vemi mawtaw dawh tak a si.
Ref: Daily Mail