‘Vawlei dangin a rami aw’ ngeitu Benjamin nih tuzaan MMID zuamnak cu a khuh dih ko

- Advertisement -

Tuzaan Myanmar Idol hlasak zuamnak cu Benjamin Sum nih a khuh dih, ti usih law kan palh lai lo dah. Biakhiaktu pawl thinlung a hninh dih. Soisel a ṭhawng bikmi Tin Zar Maw tiang a baan a samhter viar.

Aung Ko Latt nih, “[hla na sak lio kha] nu 2 cu ‘ahh’ tiin an aar ko. You make us freeze, man (na kan aarter viar, ka dua). Seconds tampi chung kan aar. Aruang cu na hlasakmi a mak tuk,” ati.

“Wow! Very good. Very good. Oh my God,” ati.

Tin Zar Maw nih, “Benjamin Sum! Ka fapa, kaa lawm. Kan hnu zarh i ‘biafang pakhat cu sang takin sa tuah hen’ kan rak ti lio ahkhan Ma Phyu nih ‘ka u aw..’ tiin sihni an ṭuanpiak len (an bawmh). Mah ka duhmi Benjamin Sum cu tuzaan ah ka ngah caah ka lawmhmi asi,” ati.

“Avoi 1nk bik i a sannak na sak ahkhan ka thinlung na ka tongh bak! Hohmanh nih an tuah bal rih lomi na tuah, na ser, na chuah,” ati.

“Biafang kip ah khansa taktak in na sak. Mipi nih an duh bikmi cu an thinlung a hnin khotu hlasak le cawlcangh kha asi. Tuni ah mah cu na kan pek. Ka lawm, ka fapa,” ati.

Phyu Phyu Kyaw Thein nih, “kan hnu zarh i sang takin sak kongah sihni kan ṭuanpiakmi phu dingin tutan ah sang takin na kan sakpiak caah kaa lawm tuk,” ati.

Phyu Phyu Kyaw Thein

“A mak lawlaw. Mahka zawn khan na u na ka tongh bak. Kha bantuk na sa lo sual lai tiah ka thinphang ziar.

“Benjamin bantuk midang an um kho ti lai lo, cucaah zaangfah tein sunhlawih tein zoh cio uh.

“Ka fapa, hi nak let tampi in na hlawhtling chin ko seh,” ati.

Tuzaan aa zuammi 5 cu an thiam tuk cio ko. Aye Mya Phyu zong a thiam luakchuak bak si ve ko, nain Benjamin Sum tluk in biakhiaktu nun a hip khotu cu an um bak lo.

Phyu Phyu Kyaw Thein nih “nangmah bantuk midang an um kho ti lai lo” ati bang, Benjamin Sum aw cu vawlei cung minung aw a lolo, vanmi aw silole vawlei dang (planet Mars, Venus, Jupiter, tbk.,) in a rami aw phun khi si sehlaw a lo. Amah bantuk aw ngeitu cu an um kho ti taktak lai lo dah.

Follow US

102,148FansLike
53FollowersFollow
731SubscribersSubscribe

Ṭial Tharmi

Thantlang ah bomb a puak

Thantlang khua, No (1) sang i sizung lam ah a ummi U Kyaw Min Htet a umnak inn ah September 20 zaan...

Mintami Nanda Hlaing te inn an lockdown

Kawlram hlan lio mintami minthang Nanda Hlaing te inn cu a tu hi nawl ngeitu nih lockdown an tuah.

Mara nih VP Pu Henry Van Thio sinah hitin ca an kuat

CNLD candidate simi Saya Rung Kaw nih naite Mara ram a tlawn lio ah an lam sul le mipi thinlung a hmuh...

Hakha rawl dawr ah tthut khawh si ti lo

Hakha khuapi ah Covid-19 vennak caah zawtnak karh a fawinak rawl dawr le lakphak dawr pawl ah tthut in ei khawh si...
- Advertisement -