Myanmar ralkap nih hramhram in NLD cozah uknak a chuhmi cu kan lungrawk cio. New Zealand ram um awṭha Van Hlei Sung zong nih a lungrawhnak kong atanglei bangin a ṭial ve.
Van Hlei Sung: Nang party, kei party ti a um lo.
Kan Country caaah thla kan cam.
Kan Chinland caah thla kan cam.
Zei khom si ah, midang sungh zatlaak nak ah aa lawm mi si hna hlah usih.
Khua le ram kan dawt ah cun thlacam hna usih.
Zeithil poh hi Pathian kut chungah a um dih ko i, a dawtmi a fa le caah cun a herhbik le a tthabik in khua a khaangtu Pathian kan ngeih caah thinphang thlalau in um hna hlah usih.
Mah belte hi thil kan ton caan ah hin pumpaak kan sining i check tthan hna usih.
Pathian kan herh lio lawng hin maw thla kan cam ko lai? Pathian a lung kan fahter, a ngeih kan chiatter le a duhnak kan tuah bal lo bu hin maw kan thlacamnak a ngaih rih ko la?
Ramchung ramleng a um vialte zong, Pathian nih Freedom, Democracy a kan pek mi hi teh a duh ning in kan hmang maw? A cohlan zia kan thiam maw? Zeirel lo in dah kan um cang?
Caan dongh lai caan a naih cu kan hngalh nain zeiruangah dah kan hna a ngamtuk rih?
Kan pumsa ca hmanh ah mah titi kan lau cun
kan thlarau caah cun mitthli he kan hrum kan ai ding si lo maw?
Lau caan a cu i, tthangh caan acu.
Taksa lei si loin thlarau lei in.
Tlawmpaal ka ruahnak hal lo bu tein ka rak ttial ta.
Politics lawng puh loin kan mah pumpak zong hi, hi lio caan ah hin i check ve hna usih law.
Pathian lung kan tong hnga maw?
Zaangfahnak le i ngaihchih bu tein,
Thlacam kan sawm hna.
Kan ram boruak hi mi vialter chim cio hna uh, theihter cio hna uh.
