15.1 C
Hakha
Monday, June 21, 2021
- Advertisement -

Ṭial Tharmi

USDP party nih 2008 Phunghram Remhnak Committee a chuahtak

Yangon — Ralkap he aa bawmmi Union Solidarity and Development Party (USDP) nih Hlutdaw dirhmi Phunghram Remhnak Committee a chuahtak diam. Phunghram remhnak caah ahran (bill) an ser ning a lungtlin lo ruangah a chuahtak hi si.

Rampumpi Hlutdaw hruaitu U T Khun Myat nih Nihnihni ah, “committee chungtel USDP MP 2; U Sai Kyaw Moe le Hsi Hu Dwe cu committee in an i phuak,” tiin Hlutdaw ah thawng a thanh.

Anmah he cun committee in aa phuakmi MP 5 an si cang. September thla ah, Arakan National Party (ANP) le National United Democratic Party (NUD) MP 3 an rak i phuak.

USDP MP U Sai Kyaw Moe nih Naypyitaw ah thawngla pawl sinah, “party pawl nih an chuahpimi lakah zei bantuk dah ahran ah kan telh lai timi vote an thlak ning kan lungtlin lo caah kan i phuak,” tiah a chim.

“NLD party nih cun committee ahhin MP a ngahmi party paoh telh dih an si a ti ko nain, committee ah NLD MP an tambik caah NLD nih an chuahpimi lawng ahran ah telh an si,” ati.

Nain, committee chungtel asi vemi NLD MP U Aung Kyi Nyunt nih USDP chimmi cu a al.

“Committee meeting record ah tlangcung miphun party pawl ruahnak zong kan telh dih ko. NLD le tlangcung miphun party pawl hi phunghram remhnak kongah kan ruahning aa khatmi a tam ngai. Phunghram remhnak ahran cu pehzulh in kan tuah peng ko lai. Hmai thla ahcun kan lim lai,” tiah a chim.

Phunghram Remhnak Committee cu NLD nih phunghram remhnak caah February ah a dirhmi asi. Ramkhel party, independent le Hlutdaw ralkap bu in member 45 an i tel.

Hlutdaw MP an ngahmi zatuak in committee member an khenh hna. Hlutdaw ah NLD MP an tambik caah committee member zongah NLD MP 18 an i tel. Ralkap MP 8 le USDP MP 2 an i tel ve.

Ralkap nih cun “NLD nih Phunghram Remhnak Committee a dirhmi hi phunghram a buar” tiah a hramthok tein an ti peng. Committee meeting ahcun an kai ve tawn nain phunghram remh ding an chuahpi duh lo.

September thla ah Ralkap le USDP i bawm in voi 1 an chuahpi nain Phunghram Remhnak Committee nih ahran ah a telhpiak hna lo ruangah Hlutdaw ah ceihpiak dingin an hal.

Nihnihni i Hlutdaw meeting lio ah ralkap MP cu lungtling lo ngai in a dir i, “Phunghram Remhnak Committee sinah kan rak apmi kha Phunghram Remhnak Committee nih zeitik dah a zohṭhan lai ti zong kan hngal lo. Mah ruang cun, Phunghram Remhnak Committee zohter ṭhan loin Hlutdaw tu ah ceih usih tiah kan hal hna,” ati.

Hlutdaw Hruaitu U T Khun Myat nih, “committee nih a tuanh khawh chung tuan ah an lim ko lai,” ati i ralkap pa halmi cu a cohlan piak lo. Mah kong cu vote tu kan thlak lai ati.

Vote an thlak i MP 357 nih ‘Phunghram Remhnak Committee nih zohṭhan ko seh’ tiin an vote. MP 200 nih Hlutdaw ah ceih dingin an vote, cucaah Phunghram Remhnak Committee nih ahran ah telh/lo a zohpiak ṭhan hna lai.

- Advertisement -

Ṭial Tharmi

Malaysia um refugee pawl cu ‘CanSino’ raikhamsi chunh an si lai

Malaysia um refugee pawl zong raikhamsi chunh an si ve ko lai. CanSino raikhamsi chunh an si lai, tiah Malaysia cozah nih a thanh. Malaysia...

Chin refugee an i telnak Malaysia movie nih Shanghai ah ‘movie ṭhabik laksawng’ a ngah

'Barbarian Invasion' timi Malaysia um Chin refugee 2 an i telnak movie nih China ram Shanghai ah movie ṭhabik laksawng Jury Grand Prix a...

Russia ah Min Aung Hlaing a phan

Myanmar uknak firtu ralkap bawizik Min Aung Hlaing cu humhimnak meeting kai dingin nizaan ah Russia khualipi Moscow a phan. February 1 ah uknak...
- Advertisement -

World Cup luhnak puai Myanmar goal bawhtu Pyae Lyan Aung cu Japan ah refugee a sok

Kum 2022 ah Qatar ram ah tuah ding FIFA World Cup ah i tel khawhnak puai round 2nk cu Japan ram ah an tuah....

Rev Dr Dennis Shu Maung: Ramthumnak phan Chinmi nih Kawlram um Chinmi chanh hna usih

Australia Chin khrihfabu funtomnak bu Chin Christian Council in Australia (CCCA) hruaitu Rev Dr Dennis Shu Maung nih, "Ramthumnak phan Chinmi hna hi atu...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -