15.6 C
Hakha
Sunday, June 20, 2021
- Advertisement -

Ṭial Tharmi

USDP le Ralkap nih Rampumpi Hlutdaw Hruaitu Phuah Dingin an Hal, NLD nih Kham a Timh

Myanmar Hlutdaw Niam le Rampumpi Hlutdaw hruaitu U T Khun Myat cu phuah dingin Ralkap MP le Ralkap he aa bawmmi USDP MP 110 nih an hal.

NLD nih ni kum ah Phunghram Remhnak Committee dirh dingin Hlutdaw a halmi cu U T Khun Myat nih a cohlan ruangah atu bantukin Ralkap le USDP MP nih phuah dingin an hal hi si — Phunghram remh an rak i zuammi cu an aungmin lo.

Pi Aung San Suu Kyi party NLD nih “U T Khun Myat kan dirkamh lai,” tiah a thanh colh ve.

Ralkap MP, USDP MP le miphun party MP 110 nih minsen an thutmi U T Khun Myat phuah dingin halnak ca cu Nilini ahkhan Hlutdaw Niam ah an ap. “Independent MP a simi U T Khun Myat cu phunghrampi a buar pinah a rian tampi a tlinh lo” tiin sual an phawt.

Hlutdaw hruaitu le hruaitu chang phuah dingin halnak caah MP 110 (MP dihlak chungin cheuli-cheukhat) lungtlin a herh.

Phuah khawhnak ding ahcun MP dihlak nih thlithup vote thlak in cheuthum-cheuhnih lungtlin a herh.

Ralkap le USDP MP cu 32% lawng an si caah U T Khun Myat cu NLD nih a bawmh ahcun an phuak kho lai lo tinak asi.

NLD CEC member U Aung Kyi Nyunt nih, “mah kong hin cun U T Khun Myat kan bawmh lai,” tiah a thanh.

“U T Khun Myat cu Hlutdaw Niam le Rampumpi Hlutdaw hruaitu dirhmun in a si khawh chungin aa zuam. Phuah dingin an halmi hi phuah taktak si loin a thangchiat an duh bia si tiin ka ruah. Ramkhel merh asi,” ati.

Phuah dingin halnak ca a aptu USDP MP U Sai Tun Sein nih, “kan phuak kho tak lai ti cu kaa ruahchan lo. Nain, tuanbia ah caam seh ti kan duh,” tiah a chim.

“U T Khun Myat nih, USDP le Ralkap nih phunghram remh kong cu hlutdaw ningpi ah ceih dingin kan halmi kham riangmang in NLD cu Phunghram Remhnak Committee dirh dingin halnak nawl a onh caah phunghram a buar,” ati. U Sai Tun Sein hi Shan miphun asi.

Shan Nationalities League for Democracy MP U Sai Tun Aye nih, “zei party dah an dik i zei party dah an palh ti chim a har ngai. An halmi cu vote thlak tikah an sung ko lai. An halmi hi ramkhel thurhnawm asi tiin ka ruah. U T Khun Myat cu hruaitu dirhmun in a rianṭuan ṭha ngai ko,” tiah a chim.

Hlutdaw Niam i NLD MP Daw Phyu Phyu Thin nih, “USDP nih an chimmi hi rinhtlak si lo. Kan party cu thil dik kan dirpi lai,” ati.

Phuah/lo kong cu hmai zarh ah Hlutdaw ah an ceih/vote lai.

U T Khun Myat cu liamcia caan ah Shan state i Kutkai pengah Pitusit hruaitu a rak si. 2010 ah USDP party in Hlutdaw Niam MP aa rak cuh i a ngah.

2015 Thimnak zongah a ngah ṭhan i Hlutdaw Hruaitu chang ah an thim. 2017 ah USDP CEC in aa phuak. A hmai kum ah Hlutdaw Hruaitu U Win Myint cu President ṭuan a duh caah aa phuak. Hlutdaw Hruaitu thar ding cu vote thlak a si tikah NLD MP pawl nih an bawmh/vote caah U T Khun Myat nih a ngah.

U T Khun Myat hi 2008 Phunghram sertu bu zongah aa rak tel i 2008 Phunghram Vote Reltu Bu member zong a rak si. — Irrawaddy English

Ruah Awk – 2008 Phunghram nih cozah a tlaih caah Myanmar ram cu democracy taktak in hruai khawh asi lo, cucaah mipi duhning taktak in cozah nih rian a ṭuan kho lo i ram ṭhancho a har.

Zalonnak taktak kan hmuh khawhnak ding le ram ṭhancho a ran khawhnak ding ahcun 2008 Phunghram remh a herh. Remh a duh lomi party cu ram a daw taktak lomi an si. Ram a daw taktak lomi party cu November thimnak ah vote na pe lai maw?

- Advertisement -

Ṭial Tharmi

World Cup luhnak puai Myanmar goal bawhtu Pyae Lyan Aung cu Japan ah refugee a sok

Kum 2022 ah Qatar ram ah tuah ding FIFA World Cup ah i tel khawhnak puai round 2nk cu Japan ram ah an tuah....

Rev Dr Dennis Shu Maung: Ramthumnak phan Chinmi nih Kawlram um Chinmi chanh hna usih

Australia Chin khrihfabu funtomnak bu Chin Christian Council in Australia (CCCA) hruaitu Rev Dr Dennis Shu Maung nih, "Ramthumnak phan Chinmi hna hi atu...

Myanmar ralkap nih ‘innpa ram pawl nih kan cohlang hna seh’ tiin kan ram chuak a zuarh hna

February 1 ah Myanmar ralkap nih mipi thimmi cozah uknak a chuh thokin rampumpi ah mipi nih duhlonak an langhter i cozah rianṭuan pawl...
- Advertisement -

Malaysia PM: Ni fatin mizaw 4,000 tang an si tikah lockdown kan dorh lai

Ni fatin COVID-19 mizaw 4,000 tang an si tikah full lockdown kan dorh lai, tiah Malaysia ram hruaitu Rampumpi Vuancichoh Pu Muhyiddin Yassin (hmanthlak)...

Nupi 39 ngeimi Pu Ziona a nunnak liam

Nupi 39 le fa le tufa 127 a ngeimi Pu Ziona Chana, kum 76 cu Mizoram ah a nunnak liam, tiah Mizoram cozah nih...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -