USA khuasa Pu Thang Sui nih COVID-19 in mual a kan liamtak

- Advertisement -

USA: Indianapolis khua ah khua a sami Pu Thang Sui @Cungpi pa, kum 55 nih hi vawlei nunnak in mual a kan liam tak.

Pu Thang Sui hi kum 55 a si. Hlamphei khuami asi. 2008 ah US an phan. A fale 5 an si, (fapa 3 le fanu 2). Indianapolis ah khua an sa.

Amah hi ‘kal’ lei damlonak a ngeimi asi i nikum 2020 November thla ah khan a ‘kal’ an thlen. A dam cang tiah kan ti i kan i lawm tuk.

Asinain, tu lio tlangrai Covid-19 nih a phak ve i a zual ngai caah January 19, 2021 ah siizung (IU Methodist Hospital) ah an kal pi.

Dam kho ti loin ni 19 chung siizung i a um hnu atu bantukin a kan liam tak hi asi.

Pu Thang Sui cu Zophei Baptist Church, Indianapolis member asi i Khrihfabu Upa rian zong a tuan liomi a si. Tuni (February 07, 2021) zaanlei sml 2:00pm ah mual a kan liamtak.

Ruak Thlahnak le Vuinak

  • A hmun : Zophei Baptist Church 2620 W Southport Rd Indianapolis, IN 46217
  • Ani : February 12, 2021 (Friday)
  • Ruak Zohcaan : 9:30am – 10:00amService :10:00am – 12:00noon
  • Ruak Vuinak : 12:00noon – 1:00pm Calvary Cemetery 435 W Troy Ave Indianapolis, IN 46225

Zunngaihpar Cahnak – 317-550-9422 Ceu Hnin (OS), ZBC

A Rian Thiang ah, Rev. Tha Bik Lian (Zophei Baptist Church)

Ngaihchiatnak a tuartu chungkhar, khuami le dawtu vialte Bawipa Pathian tu nih hnem hram ko hna seh. – Zophei Baptist Church, Indianapolis, USa)

Azi
Azi
Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cangmi asi.

Thawngpang Thar

Aa lomi thawngpang

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...

Ukraine cu Poland nih ral tuknak vanlawng 28 bak FREE in a pek

Update: US nih a duh lo caah an leet. Poland nih dairek in Ukraine kuat a ngamh lo...

US: Ukraine nih a tei lai

US Ramdang Vuanci Pu Blinken (hmanthlak) nih, "Ukraine nih teinak a hmuh lai," tiah a chim."Russia nih Ukraine...

US le NATO nih Ukraine sinah ral tuknak vanlawng kuat an timh

US le NATO nih Ukraine sinah ral tuknak vanlawng kuat dingin khua an khan liopi asi.US Ramdang Vuanci...