2021 US V. President _ Kamala Harris nu Shyamala Gopalan hi Chennai, India, ah a chuakmi a si. A nu cu Hindu a si.

A pa Donald Harris hi Jamaica-mi, Khrihfa a si. A nulepa hi California sianghleirun ah ai tongmi an si.

A min Kamala sullam cu Sanskrit in “lotus” ti a si. Mah cu Hindu pathian-nu Lakshmi timi he a sullam ai khat.

A ngakchiat lioah India hi voi tam nawn a va tlawng i, a chungkhat pawl a va veh tawn hna. Kum 7 a si in a nulepa an i then.

A nulepa an i then hnu in Minak biakinn ah ai pum tawn i, Minak Baptist a si. Atu hi San Francisco i Third Baptist Church ah chungtel a si.

A vapa Douglas Emhoff hi Los Angeles lawyer pakhat a si i, Judah-mi a si. Judah phung in an i thi-um.

Cucaah, Kamala Harris biaknak hram cu Hindu-Judaism-Christian a si. A nu nih India biaknak le sinak min rak pe hmanh sehlaw a ngakchiatte in Khrihfa biakinn ah ai pumh tawn caah Khrihfa a si ti khawh a si ko.

Amahbelte, vice president dirhmun a van phak thokin Khrihfa nunphung a dirkamh lo ruangah soiselnak cu a tam ngaite.