US um Van Iang Nei cu sianginn ah an serhsat tuk caah amah tein aa that lawlaw

US ram, Des Moines khua ah a ummi Van Iang Nei nih a kan liamtak ning cu lungfak tuk hringhran. Van Iang Nei, kum 13 cu Des Moines khua um cozah sianginn Merril Middle School ah a kaimi si.

A sianginn ah siangngakchia dang pawl nih an serhsat tuk caah lungrawh le lungdong in ni fatin a um peng. Kum caan saupi aa hne peng nain a celh hrim ti lo caah nizaan tihni January 27 ah amah tein a nunnak aa la lawlaw.

Van Iang Nei @Neinei hi a mithmai panh zungzalmi, mi bawmh a zuam ngaimi le a unau a daw tukmi asi.

Kum 2009 ah a nulepa Pi Dawt Tha Hlei Par le Pu Thian Duh Kim le a unau 2 he US ram, Iowa state an phan.

Nulepa le unau a daw tukmi Neinei, sianginn ah siangngakchia dang pawl nih an nehsawh serhsat tuk peng caah ni fatin lungrawk in a um peng i kum caan saupi aa hne peng ko nain a celh ti lo caah amah tein a nunnak aa lak lawlaw mi ruah riangmang ahcun lungfak tuk hringhran.

Neinei

A sianginn saya te nih ruak vuinak caah Gofundme in bulhnak an tuah i atutiang ah $17,000 leng an bulh cang. Mah hi hmet law bulh khawh asi rih.

Na chungkhar silole na theihmi chungin lungrawhnak a tuarmi an um i anmah tein an nunnak an i la sual lai ti na phan ahcun US Rampumpi Mahte Thah Khamnak Phu phone number (800)  (273)  (8255) ah bawmh hal khawh asi.

Neinei le a chungkhar US ram an phakka
Lian
Lianhttps://thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih. Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh. "Missile kahnak seh kan remh...