15.7 C
Hakha
Sunday, July 25, 2021
- Advertisement -

Ṭial Tharmi

US Tiva ah Chin pa a Ruakin an Char

US ram, Minneapolis khua um Pu Hrang Cunga cu Mississipi River Hidden Fall ah a tla. Nigani zaan 8pm ah a ruak in an hmuh.

June 24, Nithumni ah a hawile he tiva an kal lio ah ka khua lin tuk tiin ti aa lio. Ti tha a ṭhawn deuh caah ti nih a fenh. 911 an chawnh colh i nawlngeitu nih an kawl lengmang i ni 3nak Ningani zaan ah a ruak in an hmuh hi si.

Tu thla thokka zongah Texas state um Chinmi 2 ti ah an paam.

Indiana state um Mizo United Methodist Church member asi. Minneapolis khua ah sushi rian a ṭuan.

A khrihfabu nih a ruak vui an timh caah thaizing 9am ah Indiana ah kuat an timh.

Kawlram a khua cu Tahan asi. A nulepa le a unau cu Tahan ah an um.

Malaysia ah a ummi a nupi a rohtak.

Thil sining cu amah he inn khat ah a ummi Sui Van Pen nih a tanglei bangin a ṭial.

Lai Media nih a si lo le si lo in Tial mi kong ah tlawmpal ven fian ter ka duh mi um – By: Sui Van Pen

Nithumni (June 24, 2020) ah Mississippi River Hidden Fall ah Lai pa a tla mi kong ah khan tlawmpal te fianter ka ven duh. 

Kan inn te ah khua sa i kan sin te ah rian a ṭuan mi si. Inn um lengmang cu um har tuk tiah rian ṭuan dih hnu in tiva ah ngasio pah, BBQ tuah pah ah an kal a hawile pathum he — Cu hlan cu keimah zong ka kal pah ve tawn nain mah ni kha Online training ka ngeih caah ka rak kal kho lo. 

Ka khua lin tuk tiah ti a lio nak ah ti nih a fenh behmi asi.

A ti kha a rak ṭhawn tuk deuh caah a thaazang nih a tei lo bia tu a si lai tiah kan ruah. Zu din le pakhat le pakhat i hmuh thiam lo nak le thil dangdang zei hmanh a um lo!! Amah minung zong hi mi ṭha te le mi dai te a si.

A ruak kha ti ah a tlak in ni nithum nak zaan 8pm ah kan hmuh cang tiah keimah an rak ka chawnh. Ṭtha tein Police nih Hospital ah an kuat colh. Indiana lei member a laknak Church nih vui an timh caah thaizing 9am ah hin kuat an timh.

Nawlngeitu nih an kawl lio

Mississippi River a tlami hi an tlawm ti lo tiah theih a si. An ruak an hmuh beh ti lomi hna zong tukum chung hmanh ah pa 4 an si cang ti asi. Cu lak ahcun, Pathian nih a fa pa Hrang Cunga hi a dawt tuk caah kan kut chungte ah hmuh khawhnak a kan pek ṭhan.

Ngaihchiatnak lak ah Pathian zong kan hangṭhat. A dih donghnak tiang a tlamtling lai tiah Pathian thawng in kan zumh. Malaysia ah a ummi a nupi, Tahan ah a ummi a nulepa le a unau rual an zate caah hi thawng pang a theimi paoh nih thlacam kan bawm uh tiah kan nawl hna. 

Minneapolis, Minnesota ah khuasa kan si i Laimi um lonak bak kan si tik ah keimah nih ka si khawh tawk in a herh baumi hi ka rak tawlrel dih ko. 

Tuan ah ka lungthin baat le ka thabaat nak ah ṭial ka tim tuk lo nain, Media cheu nih a si ning loin an ṭialmi kan hmuh caah ka vun fian termi si. 

Bawikhrih ah hawi dawt nan za tein kan thaizing kong hi theih har i ṭih nung tuk ti mi hi keimah bak nih ka ton ve cang caah Pathian he naihniam te ah um hi a biapi tuk. 

Pakhat cio Bawipa Pathian nih in veng cio ko hna seh law…

SVP

- Advertisement -

Ṭial Tharmi

Malaysia: Raikhamsi voi 2 aa chun cangmi pawl cu restaurant ah rawl ei ngah cang lai

COVID-19 raikhamsi voi 2 ning tein aa chun cangmi pawl cu tu hnu ni tlawmpal ah zapi zaran nakin an zalong deuh cang lai. Malaysia...

Aung La i phomh dingin Singapore a phan cang, a sung hoi hnga maw?

Aung La Nsang cu July 30 ah Singapore ah Brazil pa Ataides he aa phomh ding an si caah tuni ah Singapore ram a...

US ah Pu Van Hnuai Hnin a nunnak liam

US ram, Indianapolis khuapi um Pu Van Hnuai Hnin nih ruah lo piin July 20 zaanlei 4:30pm ah hi vawlei nunnak in a kan...
- Advertisement -

Malaysia: October thla ahcun kan ram um kum 18 cung vialte COVID-19 raikhamsi kan chunh dih hna lai

Malaysia ram hruaitu Rampumpi Vuancichoh Pu Muhyiddin Yassin (hmanthlak) nih, "A ra laimi October thla ahcun kan ram um kum 18 cung vialte (rammi...

Malaysia nih raikhamsi voi 2 aa chun cangmi pawl caah SOP dorh/lo hmai zarh ah bia a chah lai

Malaysia ram hruaitu Prime Minister Pu Muhyiddin Yassin nih, "COVID-19 raikhamsi voi 2 aa chun cangmi pawl caah COVID-19 zulhphung SOP dorh/lo cu hmai...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -