25 C
Hakha
Sunday, March 7, 2021

Malaysia COVID-19

Malaysia
311,777
A zawmi
Updated on March 7, 2021 8:12 am
Malaysia
1,166
A thimi
Updated on March 7, 2021 8:12 am
Malaysia
289,452
A dammi
Updated on March 7, 2021 8:12 am

US Thimnak Ramkhel Kong: Salai Chan Khar

Advertisement

US _ Kha! Hrial ka duh nain Pastor ka si lem lo le ramkhel kong chim le tial hrial va timh kha a rak herh lem lo.

A herh tiang tial lengmang ve ko ning.2020 ‘Zu-et-e’ thimnak ah kan miphun hawi mi tampi i an ‘pupu’ le ”Hranghlun Phu (GOP – Grand Old Party – Republican)” hruaitu thenkhat le QAnon (muilangh lo profet deu bu) le zanmang manhthiam (conspiracy theorists) pawl nih Laimi tiang kan lung an kan tuaihmal, veilote ti dan in ‘tor le cheng mee firnak (mangmanh thiam bia, a tak ah a si taktak lomi, evidence hmuh lomi)’ bia khan a hun i thok.

‘Zu-et-e dimawkasi’ cu zumhtlak in ka ruah ve ko lio ah, an pupu le Hranghlun phu thenkhat le zanmang manh thiam pawl khua zoh ning khel zong in, thawngpang media le Twitter le Facebook tiang an thawngpang cu, dawi a nuam khin ka theih caah ka dawi lengmang ve.

Ka rel deuhdeuh, an pupu le Hranghlun phu tthenkhat le zanmang manghthiam pawl le profet deu phu pawl bia khi biavaivuan sawhsawh, mizapi lungmolhternak a si kai fiang deuhdeuh. ‘Tor le cheng mee firnak’ si lo in, cikpak minung ‘barawh zat lo’ te khi ram phung buar in mee na pek ti tiang biaceih zung i taza va cuai lawng khi a si rih, zeipi aa chap ding um dawh a si ti lo.

An pupu le Hranghlun phu nih voi 60 deng taza cuainak an kalpimi ah pakhatte hmanh chimtlak teinak an hmuh lonak taza cuai kha ka chimmi hi a si lo.

An buai biknak Zu-et ramkulh 6 ah zanmang bia a simi ‘tor le cheng mee firnak’ tuanphung (myth) cu ramkulh cozah nawlngeitu pawl nih an dawi lengmang le Zu-et ram haotu pa caah mee pahnih tbk. a thlatu ‘putar pathum (Hranghlun phu minung)’ an va poh hna le biaceih inn ah taza cuainak ca an luhpi cang.

Dimawkaretik phu minung zong anmah bantuk hin, biaceih zung ah taza cuaimi kutdong khiah zat lo an um ve. Taza cuai kip hi, phung an buar hrimhrim ti biakhiahnak a si rih lo le biaceih bawi nih bia a khiah rih lo caah phungbuar in mee an thlak hrimhrim e tiah ‘Mifir e, a cu e, a kha e,’ tiah khawment tial phung a si rih lo, lung a fim kirker ko ahcun. Cucu a si ko le mang bia an dawinak ah a lingtelet in thil an hmuhnak kong ka hun tial cuh (Washington Post Dec. 24, The Hill 22 Dec., Huff Post Dec. 23).

Zu-et ram haotu pa nih dawla tor le cheng in a hlanmi palik bawihlun (rian a tlinh lo ruang ah palik rian rak phuahmi pa) aa chuah sual dan ko lunglei a ttha lo.

Aa ngiat aa ngiat le thilphor mawtaw pakhat meithal tinh in an va nam. Palik a chawnh hna, ‘tor le cheng mee firmi phortu’ ka tlaih ti khin. Mawtaw mawngtu pa cu, meithal hmuah in a cer a hro, a tlerh, a khawn. Palik nih mawtaw an hun chek le mee pakhat zong a um lo, inn thilri a phortu mawtaw a rak si diam.

Saneh dawi thiam bang palik bawi hlun pa cu, amah tu palik nih an tlaih lehlam le meithal in mi tlerhkhawn sual puh in taza an cuai. Biaceih bawi nih a sual ko tiah bia a khiah ahcun, kum 20 tiang thong a tla kho (BBC News Dec. 16).

Credit: Salai B Chan Khar (Bachelor of Laws and Bachelor of Criminal Justice & Criminology)

32You, Victor Lian Innhmai, Salai Tluang Zel and 29 others13 CommentsLikeCommentShare

- Advertisement -

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

Ṭial Tharmi

Ṭial Tharmi

COVID-19

Vawleipumpi
117,098,768
A zawmi
Updated on March 7, 2021 8:12 am
Vawleipumpi
2,600,321
A thimi
Updated on March 7, 2021 8:12 am
Vawleipumpi
92,645,539
A dammi
Updated on March 7, 2021 8:12 am
- Advertisement -