20.6 C
Hakha
Tuesday, June 22, 2021
- Advertisement -

Ṭial Tharmi

US: Texas state nih refugee kan la lai lo ati, Indiana cu a lak rih ko lai

US ah Chinmi tam taktak kan umnak Texas state cozah hruaitu Governor Greg Abbott nih, “2020 chungah ralzaam kan la lai lo,” tiah thawng a thanh cang.

Goveernor Gret Abbott hi Republican party asi. Republican hi US Chinmi tam deuh nih kan uar deuh hna nain refugee a duh lomi party an si.

Tu kum (FY2020) chungah US rampumpi caah ralzaam 18,000 lawng lak dingin President Donald Trump nih minsen a thut cang.

“Refugee 18,000 hmanh cu a duhmi state lawng kan in phawt hna lai i refugee lak a duh lomi state cu kan in phaw hna lai, cucaah nan duh/lo rak chim uh,” tiah President Trump nih state 50 cu duhthimnak a pek hna.

Atutiang ahcun Texas state lawng hi refugee lak a duh lomi asi rih. A chim rih lomi state an um len caah hnu cun a duh lomi state an karh kho.

Ningani ah, Pu Abbott nih, “Texas state nih a lak ding nak tam deuhpi in refugee a lak cang caah 2020 ahcun refugee kan pe ti hlah uh,” ati.

Refugee bawmtu bu pawl nih Texas state vuancichoh/governor cu “lungrawk taktak asi” tiah an mawhchiat len.

Texas state khuapi tampi ahcun Chinmi lawng si loin refugee dang tam taktak an um. 2018 Budget Kum (FY2018) ah Texas state nih refugee 1,697 a lak hna. Tambik a latu state a rak si. 2019 Budget Kum (FY2019) lebang ahcun 2,230 bak a lak hna, tambik a latu state asi hoi.

Mah ruangah, 2020 chung ahcun refugee lak a duh ti lo.

Governor Greg Abbott nih US Ramdang Vuanci Zung sinah, “kan state chungah a um cangmi refugee, mipeem le Texas mipi vialte hi kan state budget in zohkhenh an hauh caah 2020 chung ahcun refugee thar kan la kho ti lai lo,” tiin ca a kuat.

“Nain, US nih refugee la ti hlah seh ka tinak cu asi lo. Kan state nih cun kan la kho hna lai lo ka ti duhmi si,” ati.

US ram ahcun state 50 a um. Atutiang ah state 39 nih, “kan state ah refugee lak kan duh rih ko, 2020 chung cu kan pe rih ko uh,” tiah Ramdang Vuanci Zung ah ca an kuat cang. Mah state 39 chungah 17 cu Republican nih an hruaimi state an si.

Chinmi tambik kan umnak Indiana state Governor Eric Holcomb nih cun “refugee kan pe rih ko, kan lak rih ko hna lai,” tiah min a thut cang.

- Advertisement -

Ṭial Tharmi

Malaysia um refugee pawl cu ‘CanSino’ raikhamsi chunh an si lai

Malaysia um refugee pawl zong raikhamsi chunh an si ve ko lai. CanSino raikhamsi chunh an si lai, tiah Malaysia cozah nih a thanh. Malaysia...

Chin refugee an i telnak Malaysia movie nih Shanghai ah ‘movie ṭhabik laksawng’ a ngah

'Barbarian Invasion' timi Malaysia um Chin refugee 2 an i telnak movie nih China ram Shanghai ah movie ṭhabik laksawng Jury Grand Prix a...

Russia ah Min Aung Hlaing a phan

Myanmar uknak firtu ralkap bawizik Min Aung Hlaing cu humhimnak meeting kai dingin nizaan ah Russia khualipi Moscow a phan. February 1 ah uknak...
- Advertisement -

World Cup luhnak puai Myanmar goal bawhtu Pyae Lyan Aung cu Japan ah refugee a sok

Kum 2022 ah Qatar ram ah tuah ding FIFA World Cup ah i tel khawhnak puai round 2nk cu Japan ram ah an tuah....

Rev Dr Dennis Shu Maung: Ramthumnak phan Chinmi nih Kawlram um Chinmi chanh hna usih

Australia Chin khrihfabu funtomnak bu Chin Christian Council in Australia (CCCA) hruaitu Rev Dr Dennis Shu Maung nih, "Ramthumnak phan Chinmi hna hi atu...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -