10.9 C
Hakha
Thursday, February 25, 2021

COVID-19

Vawleipumpi
113,246,395
A zawmi
Updated on February 25, 2021 4:09 pm
Vawleipumpi
2,511,711
A thimi
Updated on February 25, 2021 4:09 pm
Vawleipumpi
88,805,326
A dammi
Updated on February 25, 2021 4:09 pm

US Texas ah meithal kah in minung 5 an thi, 21 hliamtuar

Advertisement

US caan zahen zaanlei 3pm ah Texas state ah Mirangpa nih meithal in a kah hna i minung 5 an thi. Thla 1 chungah Texas state ah avoi 2nk meithal kah a chuah si.

Mirangpa nih aa monghmi mawttaw cu Midland le Odessa khua karlak highway ah palek nih an dirter cangka in palek cu a kah thluahmah hna. Cun lo diam aa mongh i hmun dangdang ah midang a va kah thluahmah hna, tiah palek nih an chim.

Hnu ah a mawttaw a zaam tak i sattaih mawttaw a fir hnu ah mi a kah tthan hna.

Cinema zung chungah palek nih thi lakin an kah.

Mirangpa cu kum 30 hrawng asi. Zei ruang dah meithal in mi a kah hna ti cu hngalh asi rih lo.

Minung 21 hrawng hliam an tuar. 3 cu palek an si. Palek nih, “an 3 ningin meithal kah an tong dih lo, cheukhat cu meithal kuan nih mawttaw thlalangawng a khen lio ah thlalang nih a aahmi hna an si,” tiah an chim.

Odessa’s Medical Center Hospital nih, “thla 17 bawhte pa te a hmai ah meithal kuan a leumi nih a khen i helicopter in sizung ah an ratpi. Midang 7 cu an hma fah tuk caah an nunnak caah thinphang asi,” tiah a chim.

Texas state vuancichoh Governor Greg Abbot nih, “kan state ah huatnak le buainak kan umter kho lo hrimhrim. Texas mipi kan i lungrual zungzal bang kan i lungrual lai i mah tuksapur thil hi kan lehrulh lai,” tiah a chim.

Texas state cozah sihni Attorney General Ken Paxton nih, “hi bantuk mihrut tuahsernak ka hmuh cu ka tuksum,” ati ve.

US President Donald Trump nih, “Texas state meithal kahnak cu FBI le upadi zulhtertu pawl nih an sining dihlak in an zuanhnawh,” ati ve.

Liamcia zarh 4 ahkhan Texas state i El Paso khua ah mipa pakhat nih minung 22 a kah thah hoi cang hna.

- Advertisement -

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

Ṭial Tharmi

Ṭial Tharmi

COVID-19

Vawleipumpi
113,246,395
A zawmi
Updated on February 25, 2021 4:09 pm
Vawleipumpi
2,511,711
A thimi
Updated on February 25, 2021 4:09 pm
Vawleipumpi
88,805,326
A dammi
Updated on February 25, 2021 4:09 pm
- Advertisement -