23.7 C
Hakha
Thursday, June 24, 2021
- Advertisement -

Ṭial Tharmi

US BLM Sandah Piahtu Pawl cu Mirangnu nih a Hlih Hna

Thawngla mirang nu Maggie VandenBerghe cu nai ahkhan, palek pakhat nih minak pa George Floyd a tlaih lio ah a thah ruangah palek nih minak a kan thlanglamhnak caan a sau tuk cang tiah “Minak Nunnak a Biapi (Black Lives Matter or BLM)” tiin sandahpiahtu pawl sinah a kal ve.

I sandahpiahtu pawl cu an zumhnak he aa kalh taktakmi “thil sining taktak” a relpiak hna. A hlih hna.

“Washington Post ah ka relmi relpiak kan duh hna. Washington Post nan rel cio maw?” tiah Maggie VandenBerghe nih a thok. Sandahpiahtu mibu pi nih ‘rel’ tiah an leh.

“2019 chungah America ah palek nih minung 10 million an tlaih hna. Mah chungah minung 1,004 cu palek tlaihnak in an thi. 41 cu meithal aa put lomi an si. Mah chungah 19 cu mirang an si. 9 cu minak an si.”

“Palek 89 cu duty an ciah lio ah thah an tong. Cun, kan hnu zarh ahkhan Chicago ah mipi thah an tong.

“George Floyd caah thil dik kan herh. Khat le khat i doh zong kan ngol a herh,” tiah loudspeaker in thang taktak in a relpiak hna.

Sandahpiahtu mibu pi cu seconds tlawmpal chung an daih hnu ah, tlawmpal nih kut an benghpiak.

View this post on Instagram

REAL FACTS MATTER! I was filming at a BLM protest at a police station in San Francisco. They asked if anyone else wanted to speak. I had to. I had to drop some facts. I was so nervous but I tried to bring some perspective and ease tensions! 🙏🏼💙🇺🇸 2019: 10 Million Arrests. 1004 Fatal Arrests. 41 were unarmed including 19 White and 9 Black. In the same year 89 police officers were killed in the line of duty. ONE WEEKEND alone 92 were shot, 27 killed in Chicago. Attacking cops? Defund police? STOP! Get some perspective. Real facts matter! #trump #donaldtrump #maga2020 #keepamericagreat🇺🇸 #kag2020 #trumpismypresident #trumptrain #trumpsupporters #biden2020 #joebiden #sanfrancisco #kag #makeamericagreatagain #larryeldershow #trump2020

A post shared by Maggie VandenBerghe 🇺🇸 (@fogcitymidge) on

Mirang nu nih cutin a rel lio video cu Instagram ah aa tar i “Thil Sining Taktak a Biapi (REAL FACTS MATTER)!” tiah ca a ṭial chih.

“San Francisco khua um palek sakhan hmai ah Black Lives Matter sandah piahtu pawl video ka zeih hna lio ah, bia chim duhmi ho tal nan um maw? tiah an hal. Chim ve ning. Bia tak tlawmpal cu chim ve hrim a herh tiin ka chim ve.”

“Ka thinphang pah nain thil sining tlawmpal chim le huatnak daihter kaa zuam.”

“Palek ṭhuat hna ding nan ti maw? Palek budget zuk uh nan ti maw? NGOL UH! Thil sining tam deuh in hlat uh. Thil sining taktak a biapi!,” tiah a ṭial.

Kum 46 minak pa George Floyd cu kan hnu thla ah palek pakhat nih a tlaih lio ah minutes 9 chung a khuk in a hngawng nenh caah a thi. Mah lio video cu online ah an tar i minung tam taktak nih an zoh.

Mah hnu cun, Floyd tlaih lio ah aa telmi palek 4 ningin an phuah dih hna. State palek le FBI zong nih palek pa hlathlainak case an on. A thattu palek pa cu an tlaih i second-degree murder case in taza an cuai. Palek 3 zong taza an cuai hna.

Sandah piahtu pawl nih cun palek nih minak pawl hi a kan ral khun, caan sau tuk chung asi cang tiah an zumh i ngol hngal loin sandah an piah peng hi si.

Sinain, “Palek Dohnak Ral” timi cauk a ṭialtu Heather Mac Donald telh in minung tampi nih cun “palek nih minak an neek deuh hna” timi cu “bia dik lo asi” an ti ve. Nai zongah Wall Street Journal ah Heather nih a ṭial.

Heather nih, “ni kum ah palek nih minung 1,004 an thah hna. African-American cu cheuli-cheukhat (235) lawng an i tel. An sualnak he tahchun ahcun minak pawl thah an ton hi a tlawm deuh lehlam,” tiah a chim.

“2018 chung i lainawnnak vialte lakah a cheu fai (53%) cu minak pawl nih mi an thahmi hna si. 2018 chung damiah ṭaihmi vialte lakah a cheu lengpi (60%) cu minak pawl an si. Minak hi US milu 13% lawng an si nain [a taangmi 87% nih sualnak an tuahmi vialte fonh nakin a tam deuh].”

“Washington Post nih a langhter ning ahcun 2019 chungah palek nih meithal aa put lomi mirang 19 an thah hna, minak cu 9 lawng an thah hna. 2015 zongah mirang 38 thah an tong i minak cu 32 lawng thah an tong.”

“Liamcia thil sining vialte kan zoh tikah palek nih minak an thahmi hna nakin minak nih palek an thahmi hna hi let 18 in a tam deuh,” ati. — Daily Wire

- Advertisement -

Ṭial Tharmi

Falam ah COVID-19 in minung 1 a thi chap

Zahan zaan suimilam 8 hrawngah Matubuk sang um Salai Lal Tha Eng, kum 25 cu COVID-19 zawtnak in an inn ah a nunnak liam....

COVID-19 ruangah kharmi Paletwa sianginn an on ṭhan cang hna

Chin state, Paletwa peng sianginn pawl cu COVID-19 zawtnak an hmuh caah an khar hna nain tuni June 23 ah an on ṭhan cang...

Malaysia rammi nih ‘refugee hi hmun dangah umter hna uh’ tiin cozah an hal

Malaysia Ramchung Vuanci Pu Hamzah Zainudin nih, "UNHCR card aa tlaihmi pawl hi hmun dangte ah anmah lawngin umter hna uh tiin kan rammi...
- Advertisement -

CRC Malaysia: Covid Raikham Sii Chunhnak Minpeknak Theihternak

Malaysia um Chin miphun hawikom dawt hna Covid raikham sii chunhnak kong he pehtlai in theither kan in duhmi hna cu nan mah le...

UN Thawngthanh: Malaysia Refugee pawl COVID-19 raikhamsi chunh dingin min pek khawh asi cang

Malaysia um ralzaam le ralzaam-soktu pawl cu COVID-19 raikhamsi i chun dingin min cazin pek khawh asi cang. Raikhamsi chunh a duhmi paoh cu Malaysia...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -