US ram ah Laimi inn mifir nih an boh, sui an fir

US ah Laimi inn mifir nih an boh

September 1, 2019 zaan ah Indianapolis khua ummi Laimi inn pakhat cu mifir nih an boh tiah thawng kan theih.

Inn ngeitu Pau Lam Piang nih “tuzaan hi kan inn ah mifir pawl an lut i, kan thil an rak chuah dih. Kan um lo kar ah an rak kan dah dih. I ralrin cio kan hau, meithal zong kan ngeih a hau. CCTV zong kan i bunh a hau.”

“Ka ngaihchun sui tlawmpal an lak dih. Sui hnaton 4, tthi 1, tthilep 2 le kuthrolh 2 an lak dih. Lai coat pakhat an lak. Tangka cu inn ah kan chia ve lo i a dang thil cu an la lo. Kanmah Laimi an si lai ti cu 100% a fiang. Palek zong ka auh hna. Tha tein hman an thlak, an check dih cang. Palek nih nan mah he neihniam an si ko lai an ti. Rak i ralring cio ko uh,” tiah video he a tar chih.

Cun a tanglei bantuk in ca a tial i hmanthlak a tar chih.

“Sunday zaan 09/01/2019 zan ah mifir pawl nih kan inn an rak boh i kan thil vialte an rak chuah dih. Zei dang thil cu an la dih lo nain kan ngeihchun Sui (Gold) cu a dihlak in an lak dih. Cun, Lai Coat Pakhat an lak chih, i ralring cio kan hau ko.

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.