US Ralkap vanlawng nih Nilini zingka ah Tucson khuapi pawng i Arizona thetse ramcar ah missile/rocket bomb a kahmi kha a kah sualmi si, tiah US Vanlawng Ralkap nih a thanh. Missile (rocket) cu minung um lonak hmun ah a tla.
Zei ruang dah a kahsual ti cu hlathlainak kan tuah liopi asi, tiah US Vanlawng Ralkap (Air Force) nih a chim, tiah Fox News nih a ṭial.
“Missile cu Jackal Ralkap Cawlcanghnak Hmun chung i minung um lonak zawn ah a tla, Tucson khuapi in meng 60 hrawng aa hlat,” tiah Air Force nih a thanh.
‘A-10C Thunderbolt II’ tiin auhmi vanlawng nih ‘M156 missile’ a kahsual lio hi raltuk cawnnak ah an hman lio asi.
Mah ruangah aa khawngmi le hliammi an um lo.
Vanlawng cu Nilini zingka ah Tucson khuapi um Davis-Monthan Air Force sakhan in a aa thawh/zuang.
M156 missile cu ralkap umkalnak thuhnak le target tinhnak caah an hmanmi missile/rocket asi.
