18.3 C
Hakha
Monday, July 26, 2021
- Advertisement -

Ṭial Tharmi

US Ralkap Nu Umnak a Hngalmi cu $25,000 Pek Nan Si Lai

US Army nih, kan ralkap nu a tlaumi umnak a hngalmi cu $25,000 laksawng kan in pek hna lai, tiah thawng a thanh.

Texas state um US Army sakhan Fort Hood ah a ummi ralkap nu Vanessa Guillen, kum 20 cu April 22 in a tlau i atutiang a thawngpang an thei kho lo.

April 22 chun ahkhan rian a ṭuannak i mawṭaw chiahnak (parking lodge) ah a donghnak bik an hmuh.

A mawṭaw le khaan tawh, ID card le tangka bawm cu meithal chiahnak khaan ah an hmuh. Mah khaan ahcun a tlau ni zingka ah a lut.

Fort Hood sakhan hmai le a chuahkehnak Houston khua ah Vanessa a chungkhar le khuami nih “Vanessa rak chuahpi uh, Vanessa harnak a petu dantat uh … ” tiin sandah an piah peng. Vanessa an hmuh hlan lo kan piah peng lai an ti.

“Vanessa kan hmuh hlan lo kan kawl peng lai,” tiah Army CID biachimtu Chris Grey nih a chim.

Vanessa cu a tlau ni ahhin purple color a simi fitness-style bawngbi, angki baantawi a nakmi le avid runner kedan aa denh.

Minung 150 leng bia an hal cang hna nain atutiang a umnak an hngal kho lo. Army cu FBI zong nih US rampumpi ah a kawlpi hna.

Ngakchia tlau kawltu zung ‘National Center fro Missing and Exploited Children’ zong nih a kawlpi hna.

Vanessa a nu Gloria nih, “ka cung bawi a simi sergeant nih ihpi dingin aa ka tuai lengmang tiin ka fanu nih aa ka chimh. A cung bawi sinah report ka ti nain nu dang zong nih an report nain an zum hna lo aa ka ti,” tiah a chim.

US Army nih, “kan ralkap pakhatkhat nih an tlaihhrem ti bantuk cu atutiang kan hlatnak ah kan thei kho rih lo,” ati.

Vanessa a nu nih, “ka fanu cu September ah a chuakmi si, a birthday caah a duhmi mawṭaw zong a chim. Nuam tein kan um peng hna, atu cun hitin thil a cang dih,” tiah a chim.

US actress nu Salma Hayek nih Instagram i a follower 15 millions sinah “Vanessa rak chuahpi uh” tiin ni fatin a tar peng ve.

“Vanessa le anu kaan zumh hna. Vanessa an hmuh hlan lo ni fatin ka stories ah ka tar peng lai,” ati.

- Advertisement -

Ṭial Tharmi

Malaysia: Raikhamsi voi 2 aa chun cangmi pawl cu restaurant ah rawl ei ngah cang lai

COVID-19 raikhamsi voi 2 ning tein aa chun cangmi pawl cu tu hnu ni tlawmpal ah zapi zaran nakin an zalong deuh cang lai. Malaysia...

Aung La i phomh dingin Singapore a phan cang, a sung hoi hnga maw?

Aung La Nsang cu July 30 ah Singapore ah Brazil pa Ataides he aa phomh ding an si caah tuni ah Singapore ram a...

US ah Pu Van Hnuai Hnin a nunnak liam

US ram, Indianapolis khuapi um Pu Van Hnuai Hnin nih ruah lo piin July 20 zaanlei 4:30pm ah hi vawlei nunnak in a kan...
- Advertisement -

Malaysia: October thla ahcun kan ram um kum 18 cung vialte COVID-19 raikhamsi kan chunh dih hna lai

Malaysia ram hruaitu Rampumpi Vuancichoh Pu Muhyiddin Yassin (hmanthlak) nih, "A ra laimi October thla ahcun kan ram um kum 18 cung vialte (rammi...

Malaysia nih raikhamsi voi 2 aa chun cangmi pawl caah SOP dorh/lo hmai zarh ah bia a chah lai

Malaysia ram hruaitu Prime Minister Pu Muhyiddin Yassin nih, "COVID-19 raikhamsi voi 2 aa chun cangmi pawl caah COVID-19 zulhphung SOP dorh/lo cu hmai...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -