15.1 C
Hakha
Monday, June 21, 2021
- Advertisement -

Ṭial Tharmi

US ralkap nih ISIS ralhrang bawi Baghdadi uico thah in an thah ning

ISIS ralhrang dirhtu le hruaitu Abu Bakr al-Baghdadi, kum 48 cu US President Donald Trump nawl peknak in US Ralkap Thiamsang (Special Forces) nih an thah khawh cang.

President Trump nih Zarhpini zingka ah, “uico thih in a thi, ralchia takin a thi…” tiah vawleipi sinah thawng a thanh.

An thah ning

President Trump le ruahnak petu pawl cu Zarhteni zaanlei ah White House i Situation Room chungah an ṭhu i, meng 6,000 leng a hlatnak in US Ralkap Thiamsang pawl nih ISIS ralhrang bawi thah an i thawhmi cu LIVE video in an zoh.

Washington caan zaanlei 5pm hi Iraq ahcun zaamttim 12:00am asi i Syria ram ahcun 2am hrawng asi.

Zarhteni zaanṭim deilei (Zarhpini khuadei hlan) khuamui lakah US ralkap 100 leng cu Iraq ram chaklei in helicopters 8 in ISIS ralhrang bawi umnak Syria ram lei ah an zuang.

Thah an timhmi ISIS ralhrang bawi pa cu Syria ram chaklei i kulh dihmi inn pakhat ah a chungkhar le a vengtu pawl he an um. US cozah nih ni tlawmpal chung a rak ngiat ziar cang.

Mah hnu ah, President Trump nih a chimmi “ṭihnung tak le ralṭha takin zaan ah an luh hnawh” a timi kha US ralkap nih an tuah. President Trump nih, “Baghdadi cu a pitmi vawlei tang khor chungah a zaam. Bomb aa puah i amahlemah aa thah pinah a fale 2 zong a thah chih hna,” tiah a chim.

“Pasal thih in a thi lo. Mi ralchia thih in a thi,” tiah President Trump nih ati.

“A ṭap, a hrum, a hraam i thi dingin a fale 2 aa hruai hna,” tiah a chim.

VIDEO – President Trump nih ISIS ralhrang bawi thihnak kong thawng a thanh lio

US ralkap nih an dawi lio ahhin “K-9” tiin auhmi ralkap uico fim pawl zong an hman hna.

US ralkap nih cutin ISIS ralhrang bawi Baghadadi thahnak an tuahmi cu ‘Kayla Mueller’ tiin min an bunh. Kayla Mueller cu US rammi asi i Syria ramchung ralzaam bawmh dingin a kal lio ah ISIS nih an tlaih i Baghdadi nih voi tampi a tlaihhrem hnu ah a thah behmi nu asi.

ISIS ralhrang bawi thahnak an tuah lio ahhin zeitin dah White House he an i pehtlaih pah i live video an thlah pah ning si, tbk., thil thuk deuh pawl cu US cozah nih a phuan duh lo caah hngalh khawh asi lo.

Nain, President Trump nih tlawmpal a phuanmi um. Zarhpini zingka ah ISIS ralhrang bawi an thahnak kong cu White House in thawng a thanh lio ah, “Zarhteni zaanlei 5pm (Syria caan Zarhpini 2am) in thahnak rian cu kan thok i Washington in ka zoh,” ati.

“Fiang taktak in ka zoh. Movie zoh bak si ko,” tiah a chim.

Zaanlei 4pm ah Trump cu kohti tuknak in White House ah a rung ṭin. Suimilaam 1 hnu ah Situation Room ah Vice President Mike Pence, Defense Secretary Mark Esper, White House national security adviser Robert O’Brien and two generals: Army Gen. Mark Milley, chairman of the Joint Chiefs of Staff, le Air Force Lt. Gen. Scott Howell, commander of Joint Special Operations Command pawl he an ṭhu i US ralkap nih ISIS ralhrang bawi thahnak an tuah lio cu LIVE video in an zoh.

Zaanṭim hnu ah Middle East ah zuannak ding ahhin helicopters nih Iraq, Turkey le Russia ukmi thli lam hman a hauh caah anmah pawl sin in nawl onhnak ngah a hau, cucaah US cozah nih rian herh kan ngei tiah a chimh cia hna nain zei dah kan tuah lai ti cu a chim hna lo.

ISIS ralhrang bawi umnak an phak in, kutka cun mi tlaihnak rap a um caah a kamlei in luhnak kua bomb an puah, tiah Trump nih a chim. Baghdadi cu vawlei tang khor ah a zaam, US ralkap nih a zaamte lai ti an ruahcia nak asi. Mah hnu ah amahlemah bomb aa puah.

Trump nih ‘a fim tukmi le aa dawh tukmi kan uico pakhat cu khor chungah Baghdadi a dawinak ah hliam a tong, nain ralkap cu hliam an tong lo’ ati.

Baghdadi a vengtu pawl zong an thah hna. Kulhmi hmun/inn chungah ral 5 an thah hna, adang cu a lengah an thah hna, tiah White House nih a thanh.

US Ralkap Vuanci Mark Esper nih, “Baghdadi a thihnak kong cu US ralkap nih an fehter cang. An mit zong in an hmuh pinah DNA zong in an fehter (confirm) cang,” tiah a chim.

- Advertisement -

Ṭial Tharmi

Malaysia um refugee pawl cu ‘CanSino’ raikhamsi chunh an si lai

Malaysia um refugee pawl zong raikhamsi chunh an si ve ko lai. CanSino raikhamsi chunh an si lai, tiah Malaysia cozah nih a thanh. Malaysia...

Chin refugee an i telnak Malaysia movie nih Shanghai ah ‘movie ṭhabik laksawng’ a ngah

'Barbarian Invasion' timi Malaysia um Chin refugee 2 an i telnak movie nih China ram Shanghai ah movie ṭhabik laksawng Jury Grand Prix a...

Russia ah Min Aung Hlaing a phan

Myanmar uknak firtu ralkap bawizik Min Aung Hlaing cu humhimnak meeting kai dingin nizaan ah Russia khualipi Moscow a phan. February 1 ah uknak...
- Advertisement -

World Cup luhnak puai Myanmar goal bawhtu Pyae Lyan Aung cu Japan ah refugee a sok

Kum 2022 ah Qatar ram ah tuah ding FIFA World Cup ah i tel khawhnak puai round 2nk cu Japan ram ah an tuah....

Rev Dr Dennis Shu Maung: Ramthumnak phan Chinmi nih Kawlram um Chinmi chanh hna usih

Australia Chin khrihfabu funtomnak bu Chin Christian Council in Australia (CCCA) hruaitu Rev Dr Dennis Shu Maung nih, "Ramthumnak phan Chinmi hna hi atu...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -