11.6 C
Hakha
Thursday, November 26, 2020

COVID-19

Vawleipumpi
60,855,812
A zawmi
Updated on November 26, 2020 12:55 pm
Vawleipumpi
1,429,720
A thimi
Updated on November 26, 2020 12:55 pm
Vawleipumpi
41,687,689
A dammi
Updated on November 26, 2020 12:55 pm

US President-thimmi Biden: Refugee 125,000 Ka Lak Hna Lai

Advertisement

US President-thimmi Joe Biden nih, “president ka ṭuan a kum 1nk bakah refugee 125,000 ka lak colh hna lai,” tiah a thanh.

November 12 ah “Jesuit Refugee Service” sinah a thanh hi si. Jesuit Refugee Service cu RC khrihfabu nih refugee bawmhnak caah an dirhmi bu asi.

President thim asi hnu ah tutan hi avoi 1nak bik refugee 125,000 ka lak hna lai, tiin a thanh si.

President thim asi hlan zongah a rak chim lengmang cang, Vawleipumpi Ralzaam Ni (World Refugee Day) zongah mah zat ka lak hna lai tiin a rak chim.

November 12 ah online in Jesuit Refugee Service Kum 40 tlin camtuak an tuah i Biden nih a chim hi si.

“Bia kaan kamh hna, Biden-Harris acozah nih kum fatin refugee 125,000 peng kan lak hna lai,” ati.

Jesuit Refugee Service cu “bu ṭha taktak asi” tiin President-thimmi Biden nih a thangṭhat fawn.

President-thimmi Joe Biden cu January 20, 2021 in president ṭuan aa thok te lai.

RC (Catholic) nih an dirhmi Jesuit Refugee Service cu US lawng si loin vawleipumpi ah refugee a bawmtu bu asi. Tlaih le thongthlak tong refugee pawl tiang chuah dingin a bawmtu bu asi.

Kum 40 tlinnak online puai ahcun UNHCR, RC hruaitu minthang pawl, cozah rank sang pawl le minthang pawl zong an i tel ve. US Chawnh Khawhmi Zawtnak Khamnak Zung sibaw lutlai Dr. Anthony Fauci zong aa tel ve. America Magazine editor Rev. James Martin, comedian Jim Gaffigan, Olympic swimmer Katie Ledecky, Flippo Grandi le Rev. Arturo Sosa (superior general of Jesuits) hna zong an i tel.

“Tuzaan ah, refugee 125,000 ka lak hna lai tiin thawng a kan thanhmi hi ruah tikah refugee pawl bawmh le lak a duh hna ti a lang, cucaah President-thimmi Joe Biden hi a zumhnak fek ti a lang,” tiah Jesuit Refugee Service Director Giulia McPherson nih cathanh a chuah.

“US nih liamcia caan vialte nakin refugee tam deuh lak a timhmi hna cu lawmh a um tuk pinah, President-thimmi nih ralzaam hna zawn a ruah cu a sunglawi tuk hringhran,” ati.

US nih refugee a lak hna tik ahhin US an phak tikah Jesuit Refugee Service bantuk khrihfabu pawl nih an bawmh peng hna.

A taktak ahcun, US cozah nih US phan refugee bawmtu dingah rian a khinhmi bu 9 an um i bu 6 cu khrihfabu lawngte an si;

  1. Episcopal Migration Ministries
  2. Church World Service
  3. HIAS
  4. Lutheran Immigration and Refugee Service
  5. United States Conference of Catholic Bishops le
  6. World Relief hna hi khrihfabu nih miharsa bawmhnak caah dirhmi lawngte an si. US cozah bak nih refugee bawmhtu dingah upadi ning tein rian a pek hna.

Chinmi zong US an phakka ah anmah pawl nih hin inn hlan, hmatpungṭinn (ID) sok, cozah bawmhnak sok, bank account tuah, tbk. a herhmi vialte an bawmh hna.

Biden nih a tei tiin media nih thawng an thanh cangka khan mah bu pawl nih hin Biden lawmhpinak le Biden acozah he refugee bawmh an i ngaihnak cathanh an rak chuah colh cang.

President Donald Trump nih cun kum fatin refugee tlawm chin lengmang a lak caah acunglei langhtermi khrihfabu pawl nih hin an lungrawhnak cathanh an chuah peng.

President Obama nih cun kum fatin refugee 95,000 hrawng peng a rak lak hna. 2017 lebang ahcun 110,000 lak dingin minsen a thut.

President Trump nih cun 2021 ah refugee 15,000 te lawng lak ding minsen a thut.

Charhchan: Religion News Service (affiliated with the Missouri School of Journalism at the University of Missouri), Episcopal News Service (officially sponsored online news source of the Episcopal Church)

Na rel cang maw? Chin Refugee caah President-thimmi Joe Biden hi a Ṭha Maw?

Kan Bawm Ve

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan rianṭuannak ah bawmh a kan duhmi nan um cun, thla 1 $5 tein bawmh khawh kan si. Lunglawmh thawngthanhnak caah na min le hmanthlak na kan kuat khawh cun kan i lawm chinchin ko hnga.

Email Kan Kua

Na email kan kua law, ni fatin thawngpang thar kan in kuat lai

Email Kan Kua

Na email kan kua law, ni fatin thawngpang thar kan in kuat lai

Ṭial Tharmi

UNHCR thawngthanh: Malaysia milurelnak ah i tel uh

Malaysia milurelnak MyCensus 2020 kong ah UNHCR nih cathanh a chuah. MyCensus 2020 cu zeidah a si? Milurelnak timi cu ram pumpi ah minung pa zeizat...

Paletwa ralzaam bawmhnak caah The Winner Live Show an tuah lai

Paletwa peng um ralzaam pawl bawmhnak caah Chin awttha minthang 6 nih December 18 le 19 ah hlasaknak an ngei lai. Chin awttha 6 cu...

Malaysia in a Tlungmi Laipa nih Kawlram ah Minung Tampi Tangka Ting 100 Leng a Hlen Hna

Malaysia ah mi tangka fir le mi tangka hlen a hman tuk ruangah Kawlram ah a zaammi Lai pa Zar Nyi nih Hakha, Chin...

Malaysia Covid-19 mizaw thar 970 le a dammi 2,348

Ngandamnak Vuanci Zung nih liamcia suimilam 24 chungah Covid-19 mizaw thar 970 le a thimi 4 an si tiah a thanh. Ngandamnak Vuanci Zung director-general...

Ṭial Tharmi

UNHCR thawngthanh: Malaysia milurelnak ah i tel uh

Malaysia milurelnak MyCensus 2020 kong ah UNHCR nih cathanh a chuah. MyCensus 2020 cu zeidah a si? Milurelnak timi cu ram pumpi ah minung pa zeizat...

Paletwa ralzaam bawmhnak caah The Winner Live Show an tuah lai

Paletwa peng um ralzaam pawl bawmhnak caah Chin awttha minthang 6 nih December 18 le 19 ah hlasaknak an ngei lai. Chin awttha 6 cu...

Malaysia in a Tlungmi Laipa nih Kawlram ah Minung Tampi Tangka Ting 100 Leng a Hlen Hna

Malaysia ah mi tangka fir le mi tangka hlen a hman tuk ruangah Kawlram ah a zaammi Lai pa Zar Nyi nih Hakha, Chin...

Malaysia Covid-19 mizaw thar 970 le a dammi 2,348

Ngandamnak Vuanci Zung nih liamcia suimilam 24 chungah Covid-19 mizaw thar 970 le a thimi 4 an si tiah a thanh. Ngandamnak Vuanci Zung director-general...

COVID-19

Vawleipumpi
60,855,812
A zawmi
Updated on November 26, 2020 12:55 pm
Vawleipumpi
1,429,720
A thimi
Updated on November 26, 2020 12:55 pm
Vawleipumpi
41,687,689
A dammi
Updated on November 26, 2020 12:55 pm
- Advertisement -