15.5 C
Hakha
Wednesday, June 23, 2021
- Advertisement -

Ṭial Tharmi

US Palek Pa Thah Dingin Taza an Cuai

US ram, Atlanta khua palek pa cu kan hnu zarh ah palek dat-leihnak-meithal aa tlikpi mi minak pa thi lak in a kah ruangah rian an phuah pinah lainawn case in taza an cuai.

Palek pa Garrett Rolfe nih minak pa Rayshard Brooks, kum 27 cu kan hnu zarh ah thi lakin a kah. Lainawn case telh in sualnak 11 in taza an cuai.

Taza an cuainak upadi hi thah (thihdan pek) khawhnak le thih hlan lo thongthlak khawhnak upadi asi.

“Meithal in a kah lio video 8 kan zoh i mithmutu 10 bia kan hal hna tikah Brooks nih palek pa thah le hliamh a timhnak pakhat hmanh kan hmu lo,” tiah Fulton County District Tazacuaitu Cozah Sihni Paul Howard Jr nih a chim.

“Meithal in a kah i a thih deng lio ah vawlei ah a chuih chih, minutes 2 chung ambulance zong a chawnhpiak colh lo,” tiah a chim.

A hmun ah um vemi palek pa Davin Brosnan zong “Brooks meithal kah a ton hnu ah a liang cungah na kai i na dir” ti telh in sualnak 3 in tazacuai a tong ve.

Brosnan cu thil sining a hlattu officer pawl bawm in a hawipa Rolfe nih Brooks a tuahto ning vialte a phuan dih caah $50,000 aamahkhang in chuahnak nawl an pek.

Minak pa thah a tonnak a ruang

June 12 zaan ah, Brooks cu Wendy restaurant rawl cawknak lam kham in a mawṭaw chungah aa hngilh. Restaurant nih ‘customer na kham dih hna hih, i ṭhial …’ an ti nain a duh lo caah palek an chawnh.

10:30pm hrawngah palek Rolfe le Brosnon an rung phan. Zuu a rit/lo an test hnu ah tlaih an timh nain aa chang chih.

Brooks nih palek pakhat a tengh i dat-leihnak-meithal (stun gun or taser) a chuh. Taser in kah dingin palek pa a tinh lio ah Rolfe nih meithal in a kah.

Brooks cu lam nai sizung ah an hlai hnu ah a thi. A keeng ah meithal kahnak hma 2 a um.

Rolfe a sihni pawl nih, “keimah le ka pawngkam minung a kan hliamh sual lai ti a phan caah a kahmi si. Brooks nih palek 2 a ṭhuat hna i pakhat cu hriamnam tiang a chuh. Brooks nih aa mer i taser in palek a tinh, zei bantuk palek paoh nih hliamkhuai aa ka timh tiin an ruah dih ko lai,” an ti.

Nain, tazacuaitu district cozah sihni nih, “Brooks nih aa putmi taser cu voi 2 an kah cang i ṭihnung ti lomi si,” tiah a al hna. — Fox News le CBS News

- Advertisement -

Ṭial Tharmi

Falam ah COVID-19 in minung 1 a thi chap

Zahan zaan suimilam 8 hrawngah Matubuk sang um Salai Lal Tha Eng, kum 25 cu COVID-19 zawtnak in an inn ah a nunnak liam....

COVID-19 ruangah kharmi Paletwa sianginn an on ṭhan cang hna

Chin state, Paletwa peng sianginn pawl cu COVID-19 zawtnak an hmuh caah an khar hna nain tuni June 23 ah an on ṭhan cang...

Malaysia rammi nih ‘refugee hi hmun dangah umter hna uh’ tiin cozah an hal

Malaysia Ramchung Vuanci Pu Hamzah Zainudin nih, "UNHCR card aa tlaihmi pawl hi hmun dangte ah anmah lawngin umter hna uh tiin kan rammi...
- Advertisement -

CRC Malaysia: Covid Raikham Sii Chunhnak Minpeknak Theihternak

Malaysia um Chin miphun hawikom dawt hna Covid raikham sii chunhnak kong he pehtlai in theither kan in duhmi hna cu nan mah le...

UN Thawngthanh: Malaysia Refugee pawl COVID-19 raikhamsi chunh dingin min pek khawh asi cang

Malaysia um ralzaam le ralzaam-soktu pawl cu COVID-19 raikhamsi i chun dingin min cazin pek khawh asi cang. Raikhamsi chunh a duhmi paoh cu Malaysia...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -