US ram Louisiana state pa le a ngaknu cu Africa leitthen Tanzania ram ah an tlawng.
Baton Rouge khuami Steven Weber Jr nih a ngaknu Kenesha Antoine cu Tanzania ram i titang ah tthit dingin a hal. Mah lio cun a nunnak liam.
A ngaknu Antoine cu sihni asi. A tlangval pa nih tthit dingin a hal lio ah a thih taknak kong cu Ningani ahkhan Facebook ah hmanthlak le video he a tar.
Ca a tttialmi cu, “A nun aa dawh tukmi Steven Weber Jr aw, upat tlak na sinak hi bia nih a tlinh hrim lo ee. Na tonmi mikip caah ceunak mei na si.
“Ti chungin na mang bal ti lo, i kan lehnak zong na thei manh lo, ‘Yes! Yes! Voi ting 10 tiangin yes, kan vat lai!!'”
“Kan caah ni sunglawi bik cu, ruah phak lo tiang ni chia bik ah a can caah, umtti dingin puai zong kan tuah manh lo i pum khat sinak zong kan thok manh lo,” ti asi
Video ahcun Weber cu titang ah aa lio pah in kut ttialmi ca a sanhnak Ziploc bag aa putmi hmuh khawh asi.
Catlap ahcun, “Kan duhnak hi in chim dih ning ka ti zawn ah, caan saupi ka thaw kaa sum kho lo. Nain… kan duhnak hi ni fatin a karh chin lengmang!” ti aa ttial.
Catlap hnulei ah, “na ka va kho hnga maw?” tiah a hal.
Ṭial Tharmi
US Kawlram nu Su Hliang cu a ruak in an hmuh
Ethiopia PM Abiy Ahmed nih 2019 Nobel Peace Prize a ngah
Nilen Parmawi hla thar ‘Min Sung Bik’ a chuak cang
Hakha ah 4-star hotel pathum an sak lai
