US rammi Mirangpa Pu Barry Clark nih Myanmar ram, Chin state dothlennak caah $25,000 (Kawlram ting 400 leng) a hlut.

Nizaan tihni ahkhan Indianapolis khuapi um Chin Center ah a va leng hna i Chin state dothlennak caah $25,000 a pek hna.

Pu Barry Clark hi ṭamhnak le takvun dawhternak thilri sertu company FlowerKist ah CEO a ṭuanmi si.

Tangka a hlutmi hi company tangka si loin amah pumpak tangka te bak asi.

“Chin ram mipi caah amah pumpak in $25,000 a hlutmi cu Chin Community of Indiana (CCI) kut cungah a kan pek,” tiah CCI nih a chim.

“Pu Barry Clark cungah lunglawmhnak tampi kan ngei. Pathian nih thluachuah pe chin hram seh,” ati.