15.6 C
Hakha
Sunday, June 20, 2021
- Advertisement -

Ṭial Tharmi

US Khuapi 3 nih Palek Budget Zuh an Thok Cang

Minneapolis Khua Palek nih minak pa George Floyd an tlaih lio ah palek pakhat nih a khuk in a hngawng nenh i a thih ruangah US rampumpi le ramdang tiangah ‘Minak Nunnak a Biapi (Black Lives Matter)’ tiin sandah an piah i ‘Palek Budget Zuk Uh’ tiin an au.

Minneapolis khuami cheukhat lebang cu palek budget zuh lawng si loin ‘kan khua ah palek um hrim kan duh ti lo, palek sakhan chia ti hlah uh’ ti tiangin an au.

Cucaah, atanglei khuapi 3 nih an khua palek budget zuh an thok cang.

New York City:

New York City khuabawi Bill de Blasio nih, “sandah piahtu pawl nih nan halmi cu kan lungtlin pi hna. New York City Palek budget cu mino le mipi bawmhnak caah kan hman cang lai,” tiah Zarhpini ah thawng a thanh.

Palek budget zeizat dah kan zuh lai ti balte a dikthlir in chim lo. A dikthlir cu July 1 hlan ah kan thanh hna lai, ati. Tu kum hi an khua palek budget $6 billion asi.

“A ra laimi zarh 3 hrawng cun palek budget cu mino le mipi bawmhnak caah hman kan thok cang lai. Zeizat ti balte cu ceih hmasa a hauh caah hnu ah kan thanh hna lai.

“Mipi nih sandah an piahmi hi an piah sawhsawhmi si lo. Thlennak hmuh an duh ruangah an piahmi si, i atu cun mah thlennak cu kan tuah hrimhrim a herh,” ati.

Los Angeles:

Los Angeles khuabawi Eric Garcetti nih, “budget $250 million zuh dingin tuaktan uh tiin khua cozah rian ka thiah cang hna. Mah tangka cu minak, miphun dang, nu le cozah nih kaltakmi hna bawmhnak caah kan hman lai,” tiah Nithumni ah thawng a thanh.

“Kan khua ah miphun thleidannak doh rian kan thok hnu cun, kan state pumpi le kan rampumpi cul dih seh. Kan upadi nih caan saupi a philhmi minak le miphun dang pawl nunnak a khamhtu upadi ser dingin kan state (California) le rampumpi cozah he pehtlai tein kan ṭuanṭi lai,” ati.

Los Angeles Times nih, “palek budget lawngin $100 million in $150 million kar zuh an timh,” tiah a thanh.

Minneapolis:

Minneapolis khuabawi Jacob Frey nih cun “palek rianṭuan ning tampi thlen cu ka duh ko, nain palek sakhan phioh i kan khua ah palek pakhat hmanh chiah ti lo cu ka lungtling lo,” ati.

Nain, khua cozah rianṭuan 9 nih sandah piahtu mipi hmai ah, “palek sakhan phioh i palek budget in khua mipi himnak dang tuah kan lungtling,” tiah an thanh — khua cozah rianṭuan 13 an um i 9 (cheuthum-cheuhnih or supermajority) duhnak cu khuabawi zong nih al khawh si lo.

Nain, khua upadi ningah palek budget tam tuk lawmmam zuh lole phioh tiangtiang kong cu khua mipi dihlak nih vote thlak in upadi thlen a hau lai, tiah khua hrambunh media Fox 9 nih a thanh.

Khua Cozah President Lisa Bender, Vice President Andrea Jenkins le adang pawl nih sandah piahtu hmai ah, “mah palek sakhan hi mah khua cozah nih hin kan hrawh viar lai,” an ti.

Hlutdaw Niam i Democratic MP/representative Ilhan Omar zong nih khua cozah duhnak cu a lungtlinpi hna. Ilhan Omar hi US Hlutdaw Hniam (House) ah Minneapolis zong a aiawh chihtu asi.

“Hohmanh nih upadi um hlah seh kan ti lo. Hohmanh nih kan khua Minneapolis ah misual dantat um hlah seh, kan khua hi ṭihnung le sualnak in a khatmi si seh kan ti lo. Mipi himnak pe lo dingin le bawm lo dingin tuahmi system phioh in himnak a pemi system chiahnak caah atu hi kan caanṭha asi,” ati.

Mirangca rel aa fawih deuhmi nih FoxNews ah rel khawh asi.

Chinmi cu Indianapolis le Dallas area ah kan tambik si kaw, kan khua palek budget zuh (palek thazaang derter) cu nan duh maw?

- Advertisement -

Ṭial Tharmi

World Cup luhnak puai Myanmar goal bawhtu Pyae Lyan Aung cu Japan ah refugee a sok

Kum 2022 ah Qatar ram ah tuah ding FIFA World Cup ah i tel khawhnak puai round 2nk cu Japan ram ah an tuah....

Rev Dr Dennis Shu Maung: Ramthumnak phan Chinmi nih Kawlram um Chinmi chanh hna usih

Australia Chin khrihfabu funtomnak bu Chin Christian Council in Australia (CCCA) hruaitu Rev Dr Dennis Shu Maung nih, "Ramthumnak phan Chinmi hna hi atu...

Myanmar ralkap nih ‘innpa ram pawl nih kan cohlang hna seh’ tiin kan ram chuak a zuarh hna

February 1 ah Myanmar ralkap nih mipi thimmi cozah uknak a chuh thokin rampumpi ah mipi nih duhlonak an langhter i cozah rianṭuan pawl...
- Advertisement -

Malaysia PM: Ni fatin mizaw 4,000 tang an si tikah lockdown kan dorh lai

Ni fatin COVID-19 mizaw 4,000 tang an si tikah full lockdown kan dorh lai, tiah Malaysia ram hruaitu Rampumpi Vuancichoh Pu Muhyiddin Yassin (hmanthlak)...

Nupi 39 ngeimi Pu Ziona a nunnak liam

Nupi 39 le fa le tufa 127 a ngeimi Pu Ziona Chana, kum 76 cu Mizoram ah a nunnak liam, tiah Mizoram cozah nih...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -