US, Israel, UAE le Bahrain nih Remdaihnak Minsen an Thut

- Advertisement -

Israel le a pawngkam Middle East ram vialte ramkhel thlengtu asi lai an timi Israel le Arab ram 2 kar remdaihnak sachoh cu President Trump hruainak in tuni ah White House ah minsen an thut.

President Trump nih, “Middle East ah niceu dawh thar a tlang,” ati.

Sachoh cu “Abraham Accords” tiin an auh. Israel, UAE le Bahrain cu ramdang cio bantuk tein kan i pehtlai cang lai timi lungtlinnak sachoh asi. President Trump acozah hruainak in an tuahmi asi i US, Israel, UAE le Bahrain tiin ram 4 nih lungtlinnak minsen an thut.

An sachoh chungah;

  • Cozah palai kan i thlah lai
  • Tanzung kan dirh hna lai
  • Himnak (ralkap) kan i bawm lai
  • Chaw kan let ṭi hna lai
  • Kan ram kar khualtlawnnak (tourism) kan on lai
  • Israel um muslim hmun thianghlim pawl nan tlawng lai, Israel rammi nan ram an tlawng ve lai, tbk., tampi aa tel.

Israel rammi cu Malaysia, Bangladesh, Pakistan, Saudi Arabia, Iran, tbk., muslim ram pawl nih an ram luh/tlawn an sian hna lo. UAE le Bahrain zong nih an rak sian hna lo nain tuni thok cun an tlawng kho cang.

Israel a hua taktakmi Iran ram cu hawi a ngei lo chin lengmang. Israel a ṭhawng chinchin cang.

Remdaihnak minsen an thut lio

Israel ram hruaitu PM Pu Netanyahu nih, “tuni hi tuanbia muru asi, daihnak ni ceu dawh thar a tlan ni asi. Judah mi hna daihnak caah kum thong tampi chung thla an cam. Judah ram (Israel) nih kum 70 leng daihnak caah thla a cam. Mah ruang cun tuni cu lawmhnak in kan khat,” tiah a chim.

UAE Ramdang Vuanci Pu Sheikh Abdullah nih, “Middle East thinlung ah, vawlei pumpi ruahchannak a petu ding thlennak kan hmuh cang,” tiah a chim.

Bahrain Ramdang Vuanci Dr. Abdullatif nih cun President Trump a thangṭhat, “hruai na thiam ruangah le naa zuamnak thawngin nihin ah daihnak cu a taktak ah a cang,” ati.

President Trump nih, “tu chun cu tuanbia kan thlen. Kum hrabu tampi chung i remlo le buai hnu ah, Middle East ah niceu dawh thar a tlang,” tiah a chim.

“Hi ram 3 hruaitu hna an ralṭhat tuk ruangah, biaknak kip le miphun kip dai tein an um khawhnak le an ṭhancho khawhnak ding hmailei ah kar kan hlang kho,” ati.

Charhchan: The New York Times, CBS News le Fox News

President Trump cu Israel caah Pathian nih a thimmi si rua ti awk in – President Clinton, Bush le Obama nih kan tuah lai an ti i an tuah ngam lomi “Jerusalem cu Israel khualipi asi” tiin Trump nih a fehter. Tuni ah Arab ram 2 he remdaihnak minsen a thutpi rih hna.

Follow US

102,149FansLike
53FollowersFollow
731SubscribersSubscribe

Ṭial Tharmi

Malaysia ah Covid-19 mizaw thar 111 an hmuhchap hna

Tuni Malaysia ram ah Covid-19 zawtnak ngeimi 111 an hmuhchap hna. Zarh khat chungah mizaw a zaleng an hmuh hna hi voi...

Hakha University ah ni 14 chung khumherhmi minung 12 cu an ttinter cang hna

Chin state Covid-19 dohnak bu hruainak in Hakha khua chungah a rak lutmi paoh cu Hakha University ah ni 14 chung khumherh...

Malaysia biaceih zung nih kum 5 a fa pate a that tu nu le a tlangval pa thihdan a pek hna

Tuni ah Penang High Court nih kum 5 a fa pate a rak thattu hringtu nu le a tlangval pa cu hri...

Myanmar National Team ah ai tel mi Valte

Valte hi Kalymyo um Falam mi a si. 2010 kum ah Kalaymyo certual ah kan i hmu. Cu...
- Advertisement -