US: Indianapolis ah Bar le Nightclub On Khawh Si Cang

- Advertisement -

US ram ah Chinmi tambik kan umnak Indianapolis ah COVID-19 zawtnak ṭhat lei a panh deuh caah khuabawi Pu Joe Hogsett (hmanthlak) nih, “hmai zarh Nihnihni thokin zuu dawr (bar) le nightclub pawl on ṭhan khawh an si cang,” tiah tuni ah a thanh.

Nain, “hlan bantuk si loin mileng (customer) tlawm deuh lawng nan cohlan hna lai. Dawr chung cabuai 25% lawng nan hman lai i dawr leng cabuai 25% lawng nan hman lai,” ati.

“Hlan bantukin zuu peknak counter pawng cabuai thluan (bar) ah khat lulh ṭhut a ngah lai lo. A tambik minung 6 tiang lawng i hrawm khawhmi cabuai ah nan ṭhuter hna lai.

“Cun, zaanṭim 12am ah nan khar dih hrimhrim hna lai. Hi zulhphung a buarmi paoh cu a tlawmbik ni 30 chung dawr kharpiak nan si lai,” tiah Marion County Ngandamnak Zung hruaitu Dr. Virginia Caine nih a chim.

Marion County ah hmai huh (mask) nan i hruk dih lai timi cu pehzulh peng asi rih ko lai.

Rawldawr (restaurant) pawl cu dawr chung cabuai 25% le dawr leng cabuai 75% hmangin on khawh an si cang.

Cabuai pawl cu khat le khat aa hlat piin nan chiah hna lai.

Nightclub pawl cu bar he zulhphung aa khat dih lai. Laam le live nuamhnak tuah a ngah lai lo.

Khuabawi Pu Hotsett nih, “Dr. Caine nih dawr le nightclub vialte a check dih hna lai i zulhphung a buarmi paoh cu kharter dih nan si lai,” ati.

Follow US

102,147FansLike
53FollowersFollow
731SubscribersSubscribe

Ṭial Tharmi

Malaysia biaceih zung nih kum 5 a fa pate a that tu nu le a tlangval pa thihdan a pek hna

Tuni ah Penang High Court nih kum 5 a fa pate a rak thattu hringtu nu le a tlangval pa cu hri...

Myanmar National Team ah ai tel mi Valte

Valte hi Kalymyo um Falam mi a si. 2010 kum ah Kalaymyo certual ah kan i hmu. Cu...

Thantlang ah bomb a puak

Thantlang khua, No (1) sang i sizung lam ah a ummi U Kyaw Min Htet a umnak inn ah September 20 zaan...

Mintami Nanda Hlaing te inn an lockdown

Kawlram hlan lio mintami minthang Nanda Hlaing te inn cu a tu hi nawl ngeitu nih lockdown an tuah.
- Advertisement -