16.4 C
Hakha
Sunday, July 25, 2021
- Advertisement -

Ṭial Tharmi

US Hluttaw Sang nih Pi Amy Coney Barrett cu Supreme Court ah a Fehter Cang

President Trump nih US biaceihzung sangbik Supreme Court biaceihtu dingah a thimmi Pi Amy Coney Barrett, kum 48 cu Hluttaw Sang (Senate) nih a fehter cang.

Cucaah, Supreme Court cu conservative/Republican ta asi cang ti khawh asi. Biaceihtu 9 lakah 6 bak Republican an si cang.

President Trump le a ṭanhtu vialte caah thawngpang ṭha taktak asi. Nan (Republican) duhning in Supreme Court nih bia a khiah khawh tuk cang lai.

Nikhatni zaan (Washington caan) ah Hluttaw Sang senator/MP 52 nih Pi Amy Coney Barrett cu Supreme Court biaceihtu dingah kan lungtling tiin mee an pek. A duh lomi cu 48 lawng an si caah duh nih a tei.

US Hluttaw Sang (Senate) cu Myanmar cun Amyotha Hluttaw he aa khat. Myanmar cun MP tiin kan auh hna nain US ahcun Senator an ti hna, aa khatmi si ko.

Pi Barrett hi President Trump nih Supreme Court biaceihtu dingah a thimmi 3nak bak asi cang. President Ronald Reagan hnu in Trump hi Supreme Court biaceihtu tambik a thimmi president asi.

Pi Barrett cu Supreme Court biaceihtu rian i thok dingin President Trump nih White House ah biakamnak zong a tuah cang.

“Biaceihtu Barrett nih phunghram ah aa ṭial ning tein bia ka khiah zungzal lai i keimah duh salam in bia ka khiak lai lo tiin bia aa kam,” tiah President Trump nih biakamnak a tuah lio ah chim.

“Kan upadi, kan phunghrampi le hopaoh nih kan dawt ciomi kan ram dirkamh dingin rian naa khinh bang, American mipi nih an zumhnak le ruahchannak cu na chungah an chiah,” ati.

Maine state in senator/MP a ngahmi Pi Susan Collins lawng hi Republican senator lakah Pi Barrett duh lonak mee a thlami si.

Democratic senator 45 nih cun an dihlak in “kan duh lo (no)” tiin mee an thlak dih. Independent senator 2 nih duhlo in an thlak ve.

Nain, Hluttaw Sang ahcun Republican senator an tam deuh tuk caah an fehter khawh ṭhiam.

- Advertisement -

Ṭial Tharmi

Malaysia: Raikhamsi voi 2 aa chun cangmi pawl cu restaurant ah rawl ei ngah cang lai

COVID-19 raikhamsi voi 2 ning tein aa chun cangmi pawl cu tu hnu ni tlawmpal ah zapi zaran nakin an zalong deuh cang lai. Malaysia...

Aung La i phomh dingin Singapore a phan cang, a sung hoi hnga maw?

Aung La Nsang cu July 30 ah Singapore ah Brazil pa Ataides he aa phomh ding an si caah tuni ah Singapore ram a...

US ah Pu Van Hnuai Hnin a nunnak liam

US ram, Indianapolis khuapi um Pu Van Hnuai Hnin nih ruah lo piin July 20 zaanlei 4:30pm ah hi vawlei nunnak in a kan...
- Advertisement -

Malaysia: October thla ahcun kan ram um kum 18 cung vialte COVID-19 raikhamsi kan chunh dih hna lai

Malaysia ram hruaitu Rampumpi Vuancichoh Pu Muhyiddin Yassin (hmanthlak) nih, "A ra laimi October thla ahcun kan ram um kum 18 cung vialte (rammi...

Malaysia nih raikhamsi voi 2 aa chun cangmi pawl caah SOP dorh/lo hmai zarh ah bia a chah lai

Malaysia ram hruaitu Prime Minister Pu Muhyiddin Yassin nih, "COVID-19 raikhamsi voi 2 aa chun cangmi pawl caah COVID-19 zulhphung SOP dorh/lo cu hmai...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -